生隆餅家 (Moved) New Location

食飽飽，當然要搵Ｄ甜品食下啦～ 但食糖水又真係已經再食唔落，於是即刻網上搜尋下有咩份量少Ｄ嘅甜品。最後黎到最後一站 - 生隆餅家。呢間係一間傳統舊式老餅店，前舖後工場，餅店有好多中式嘅糕點: 紅豆糕、砵仔糕、白糖糕、黄糖糕、合桃酥。。。當然仲有出名嘅糯米糍，但味道就只有傳統嘅花生味同豆沙味，價錢亦比較平民 $10/4個。豆沙糯米糍 $10，花生糯米糍 $10糯米糍大大粒，餡料好似就黎滿瀉咁，好抵食。糯米皮好煙韌，豆沙餡料唔太甜。而花生餡料就加入左椰子絲，食落有好香花生味之餘，仲有好香椰絲味。