函館元祖北海道拉麵

Open Now

Now Closed

今日去到鰂魚涌個邊做野，lunch同事話想食沾麵，於是就OpenRice search左附近一間沾面店，去到發現太多人排隊，時間所限就轉左對面呢間食拉麵。呢間拉麵店都要排但就無咁多人，店亦相對大。出面係好典型日本裝修，而入面既店員都係日本人，要講英文點餐。我地都滿心期待。我叫左鹽牛油拉麵，上面有一舊仔牛油，食落偏咸，加埋牛油又唔覺得香左，坦白講好普通，而且會愈食愈咸，普普通通啦。同事叫左最穩陣既豬骨湯底（黑），我地都以為係黑蒜油，我試左一啖，有d豆豉味，唔算伏，但亦唔特別好食。講真，一個拉麵都要成百蚊，lunch黎講係偏貴，但質素認真麻麻，叉燒得簿簿一塊，所以性價比真係一般。