Video
Read full review
2019-02-14
204 views
同屋企人慶祝生日，諗住試新野點知一試就伏。我地一行五人，入座個時講左五人，然後入座後去左四人台，我地問侍應我地係五人，佢話要加張櫈係走廊位，當時有四張六至八人大台，其中兩張坐左人，一張坐左六人食緊，另一張坐四人都係岩岩坐底。我地望到仲有兩張空台，問可唔可以調過去，侍應望一望後話可以。後來調左過去點埋食物就有另一侍應過黎話哩張唔坐得，有人預留左，請我地返細台加櫈，咁我地就好不解。然後原本個侍應就過埋黎睇下咩事，兩個侍應對峙起黎，一個話我唔理你自己搞掂去，另一個就話無講過咩都唔知。我地真係好無奈，兩個人突然走左，無幾耐又有第三個侍應出現請我地返去四人位，我地就解釋首先個侍應認同左，然後後面都係坐四人而且未點好菜或者前面六人已準備走，第三係我地好無奈。結果侍應妥協左。然後我地發現坐左好耐都無水，隔離每一台都入座時俾埋水，我地就叫侍應拎水，但等左好耐無拎過黎，又叫另一個又無拎。最終我地一共叫左六次先有人拎到黎。講真，服務態度真係非常失望😞 講返當晚食物，我諗更加認定唔會再光顧。首先，點左個香蒜炸雞半份，炸得好香脆外表睇黎都好金黃，但等等？蒜香味呢？點解變左一堆千島醬，本來仲滿懷希望，結果唔洗講
然後我地發現坐左好耐都無水，隔離每一台都入座時俾埋水，我地就叫侍應拎水，但等左好耐無拎過黎，又叫另一個又無拎。
最終我地一共叫左六次先有人拎到黎。講真，服務態度真係非常失望😞
講返當晚食物，我諗更加認定唔會再光顧。首先，點左個香蒜炸雞半份，炸得好香脆外表睇黎都好金黃，但等等？蒜香味呢？點解變左一堆千島醬，本來仲滿懷希望，結果唔洗講。
第二個點左個芝士炒拉麵年糕，成功有拉芝效果。但啲公仔麵好似唔熟咁硬仲一餅野咁分唔開，而且個味好淡，辛字麵個調味粉仲濃過佢。
第三係海鮮炒粉絲，講真食咁多炒粉絲，大家去尖沙咀隨便搵一間，都應該唔係掛湯咁水汪汪咁。都唔緊要，海鮮我都唔要求高，最緊要味道，不過無味好清淡。
第四係金大人拼盤（M)，見佢有幾種雞翼口味咁得意就叫左，叫做成晚最正常口味一道。中間芝士汁醬熱辣辣仲有煙出，芝士味都好夠。不過個幾種雞翼除去有餡料，雞翼本身味道都一模一樣，應該醃料都一樣，水牛城個款無後製調味所以都係一樣味有少少失望。個麵包外脆內軟，沾滿埋芝士汁，好正。
第五碟係安東雞（M)，一望上去見到啲色咁淡咁稀已心知不妙。個啲汁水同炒粉絲一樣，都係淡。而且啲薯粉全部硬到咬唔開，未熟架！同左侍應講，佢都試左係唔熟問洗唔洗換，我地諗住食得七七八八就算。啲雞件好大陣雪味，未解得好凍隻味，認真麻麻。
最後一碟係係炸蝦紫菜包飯，我諗哩碟一改我對紫菜包飯既印象，真係打大佬咁。佢係碟個陣已經散哂，唔知點夾上手。再者，佢個炸蝦睇落好大條好有氣勢，結果一咬開？全部都係粉漿黎既，隻蝦好似甜蝦仔咁。炸得唔係香脆，反而好似油浸完咁。平常食一般紫菜包飯好正常，唔知點解炸完既啲餡料好似好唔岩，又酸又甜又咸咁，我地成家都覺得哩碟最難食。
Post
