Video
Read full review
2008-06-09
12 views
今日聽屋企人話埃華街開左間 Fragrant Kitchen, 能以半自助形式用餐, 即心存希望的去試一試。誰知 ... ... 還未吃到一半, 我和屋企人已經大叫慘, 誓死不會再幫襯。個人認為, 一間成功的餐廳要打響名堂, 或者只係令顧客再次幫襯, 食物既質素固然重要, 但良好的服務態度是必不容忽視的。這間新開的 Fragrant Kitchen, 侍應大都是年輕一輩, 理應充滿活力.. 但每個人都好像黑口黑面, 不主動收碟, 亦不主動加水, 話雖如此, 很多餐廳的侍應都是一樣被動, 這並不教我出奇.... 最離奇既係, 我妹妹不小心打翻了水, 玻璃杯跌落地爛左, 佢地執完之後, 有個waitress行埋黎同我講, "你地頭先打爛左隻杯, 我地要收返$15" 我眼都突埋出黎... 從來未聽過去餐廳食野打爛杯要賠錢........跟住到食物, 因為係半自助, 所以要先叫一個主菜 ( 最平的好似$70幾 ..... 至最貴的$200樓下), 叫完一個主菜之後, 可以免費食佢果到既自助食物, 有甜品吧同埋沙律吧, 有雪糕, 有湯。大家聽落好似好多野食, 叫一個主菜可以任食好似好抵, 我開頭
個人認為, 一間成功的餐廳要打響名堂, 或者只係令顧客再次幫襯, 食物既質素固然重要, 但良好的服務態度是必不容忽視的。
這間新開的 Fragrant Kitchen, 侍應大都是年輕一輩, 理應充滿活力.. 但每個人都好像黑口黑面, 不主動收碟, 亦不主動加水, 話雖如此, 很多餐廳的侍應都是一樣被動, 這並不教我出奇.... 最離奇既係, 我妹妹不小心打翻了水, 玻璃杯跌落地爛左, 佢地執完之後, 有個waitress行埋黎同我講, "你地頭先打爛左隻杯, 我地要收返$15" 我眼都突埋出黎... 從來未聽過去餐廳食野打爛杯要賠錢........
跟住到食物, 因為係半自助, 所以要先叫一個主菜 ( 最平的好似$70幾 ..... 至最貴的$200樓下), 叫完一個主菜之後, 可以免費食佢果到既自助食物, 有甜品吧同埋沙律吧, 有雪糕, 有湯。大家聽落好似好多野食, 叫一個主菜可以任食好似好抵, 我開頭都咁以為, 但睇完佢d食物之後, 差d想走返出間鋪。
主菜大約有10款到, 都係例牌果d野(麵呀, 牛仔骨, 雞扒之類...), 我叫左個吞拿魚白汁闊條麵, 媽咪叫左個豬仔骨, 個豬仔骨okay, 不過唔係特別好味, 普通西餐廳都食到, 而我個麵就不值一提, pizza hut 果 d 仲好食。
自助餐果邊, 湯只得一個, 就係忌廉湯。甜品就都幾多款, 但係睇落去唔係幾吸引, 芝士蛋糕更是無水準之作, 最好味, 大概係你同我都整到既0者喱, 不過好味都無用, 有d小昆蟲響到飛來飛去, 見到都無謂口..........沙律果邊都有幾塊火腿, 栗米, 豆... 仲有機樣唔係好記得。有凱撒沙律, 係無咩好食既情況之, 果兜菜簡直救左我一命, 皆因菜唔好食極都有限。
成晚我最滿意既係杯凍檸荼, 我細妹最滿意係 d 雪糕 , 我呀媽就無咩滿意。大家食完都異口同聲地話 " 以後唔會再來 "
最攪笑係, 頭先提及, 我細妹打爛左隻杯要賠15大元.. 正常餐廳都要加一... 我媽咪拎住張單, 同個 waitress 講, 下, 連隻杯果15蚊都要加一牙 ? .... 笑到我死 !
總括黎講 , 佢既主菜係其他西餐廳以平很多的價錢都食到, 而且更好味 ! 佢既沙律吧太少野食, 絕對令人失望, 而甜品吧需要更好的衛生... 佢既價錢唔算貴, 但係絕對唔抵囉。
豬一次就夠, 唔會再去。
順帶一提, 隔離街既金船長餐廳, 完全兩回事, 金船長餐廳絕對值得一去, 服務好到不得之了, 野食唔算超水準但絕對係滿意之作, 呼籲大家行過一條街, 包你食得開心很多很多很多....... !
Post