北海道牧場餐廳 (Closed)

北海道牧埸餐廳在美孚開店，全家上下都非常高興，可以多個選擇，多年前大家經常到銅鑼灣食北海道牧場，現在又可食到啦！當然要朝聖口。今天未食午餐，即order咗個下午茶餐西多士，環境裝修潔淨，所有服務員圍在一起傾計，原來是自助形式，出外點餐，全店飲品用纸杯，真是好有快餐feel 西多賣相不錯，可能我是土生香港人，對西多味道有一定期望。咬下第一口，外皮脆口，幾有火喉，不太油腻，但點解是咸嘅？唔通我點錯嘢……，真是好難食，即時問點解有咸味，她們解釋可能中間夾的花生醬咸 , OMG , 麵包都有咸味 ，我想食甜點架，好彩她肯再做過给我，這點值得一讚。換過另一份味道正常，沒有糖酱供應，西多面只有朱古力醬花纹，食到下面幾件已沒有朱古力醬，鍾意食西多某程度上都是喜歡麵包與糖醬夾埋的咸咸甜甜的味覺享受。至於綠茶和雲呢拿雪糕無甚特別，味道淡淡的，綠茶沒有綠茶香味，不用多講啦！