海福Special

Open Now

Now Closed

識食友人話唔識東廣場唔好話自己黎過觀塘，講到咁巴閉，真係要去下東廣場搵食。呢日放工，識食友人就牽著我同另一友人的小手黎搵食。佢介紹話呢間嘅生滾粥好食，由於本人唔係幾食粥同埋驚唔夠飽，就叫左牛腩撈麵。識食友人就叫左沙嗲手撕牛肉撈麵，而另一友人就叫左牛腩河。呢碟沙嗲牛撈麵一上我地已經嘩嘩聲，皆因佢嘅賣相唔討好，好似啲核突野。識食友人試左幾啖已經停哂手，佢話好咸，同埋個賣相令佢唔係好想食。我試左啖，真係幾咸。諗住飲啖湯沖下個口，點知個湯都係咸嘅.......到我碟牛腩撈麵，我覺得幾好味嘅，相比個沙嗲牛撈麵。成排牛腩係幾抵食嘅，加啲醋落個麵度更加醒胃。友人話呢碗牛腩河好一般，我試左啖，個河粉唔滑同個湯唔得。得啲牛腩食得落肚......講真，都幾失望。今次識食友人個搵食雷達失靈，希望下次用得返。