小金井日本料理 (Closed)

第三次去食,前兩次去食雖然服務欠佳,但食物質素尚算不錯,不過今次真係好唔得,俾我地坐房,不過間房有煙嗅味,服務未見有改善,食物方面唔多講了,只講最不滿既兩樣,刺身唔新鮮,三文魚冇味,之前都唔係咁既~酒煮雞子鍋前兩次食都係十分好既,湯既味道配得好好,雞子亦好新鮮,但今次簡直係不知所謂,雞子完全冇味不在話下,連個湯都唔同晒味,好淡,冇薑味,好似清酒溝水咁,同個西裝女人投訴,佢試味後死口話冇問題對今餐飯非常之失望,食物既質素落差實在太大。