金饍韓國料理 (Closed)

菠菜、泡菜、土豆絲，不過不失無意見唔難食，送飯助力良好開胃。習慣食韓餐的小碟都裝得滿滿，眼前幾碟只有零星的份量完全唔習慣。泡菜豬肉湯飯，嘈喧巴閉噴著煙吱吱渣渣送到，甚有氣氛﹗香噴噴的泡菜辣湯氣味，大量爽脆泡菜搭極少量豬肉碎，大大啖灌入，辛辣帶甜合格。傳統正宗食法當然係將飯倒落湯，而不是將湯倒落飯。這樣湯會變凍，食得慢的話飯亦太腍，我喜歡分幾次將飯加入滾湯中，邊食邊加，盡量令湯汁保持高溫品嚐，才最美味﹗蠔油唐生菜，食不到菜甜味，有點甘澀味，爽脆微黃。烤牛仔骨飯，甜笠笠的燒汁，腍啤啤的肉質，伴飯唔難食，明白一分錢一分貨。烤牛仔骨飯，沒什麼特別，平平淡淡，食完都唔記得食過。