Video
Read full review
2018-07-06
102 views
九龍塘嘅呢間【Mad for Garlic】最啱就係鍾意「蒜」到盡嘅朋友仔。皆因全間餐廳嘅食品都以蒜頭為主題，由前菜、pizza、意粉、扒類、到甜品， 都可以揾到蒜頭菜式，非常特別。前菜方面叫咗呢個特色嘅蒜蓉包《德古拉殺手》$68， 同平時嘅蒜蓉包好唔同，呢家餐廳採用咗原粒蒜頭，加入咗咸鮮嘅鯷魚仔同意大利芝士碎，再放入高溫焗爐烤焗。 焗好嘅蒜頭柔軟， 用嚟搽上脆卜卜嘅法包上面，就成為一個又具咸香又有蒜香嘅特色蒜蓉麵包啦， 千祈唔好錯過碟上面嘅橄欖油，用黎沾麵包黎食， 可以食盡蒜頭嘅精華香氣呢~《蒜香忌廉汁煮鮮活藍青口》$188， 新鮮嘅藍青口肉身脹卜卜， 而且帶有海水嘅鮮味， 簡簡單單用忌廉汁加上蒜蓉同辣椒乾去調味，味道雖然唔複雜， 但卻可以品嘗嘅藍青口嘅鮮甜，唔錯。《MFG 招牌蒜片墨西哥辣椒銀魚柳炒意粉》$108， 意粉上面鋪滿咗大量炸香咗金黃色嘅蒜片。 一傳上枱已經香氣四溢，「味」力迫人。 意粉炒得夠乾身，而且口感夠曬煙韌， 加上用咗少少墨西哥辣椒同蒜蓉嚟炒，感覺相當之惹味。 而且銀魚仔一啲都唔腥， 反而帶出鹹香， 食到最尾個啖仍然覺得相當滋味。最後來到甜品 《蒜頭香蕉朱古力醬薄
前菜方面叫咗呢個特色嘅蒜蓉包《德古拉殺手》$68， 同平時嘅蒜蓉包好唔同，呢家餐廳採用咗原粒蒜頭，加入咗咸鮮嘅鯷魚仔同意大利芝士碎，再放入高溫焗爐烤焗。 焗好嘅蒜頭柔軟， 用嚟搽上脆卜卜嘅法包上面，就成為一個又具咸香又有蒜香嘅特色蒜蓉麵包啦， 千祈唔好錯過碟上面嘅橄欖油，用黎沾麵包黎食， 可以食盡蒜頭嘅精華香氣呢~
《蒜香忌廉汁煮鮮活藍青口》$188， 新鮮嘅藍青口肉身脹卜卜， 而且帶有海水嘅鮮味， 簡簡單單用忌廉汁加上蒜蓉同辣椒乾去調味，味道雖然唔複雜， 但卻可以品嘗嘅藍青口嘅鮮甜，唔錯。
《MFG 招牌蒜片墨西哥辣椒銀魚柳炒意粉》$108， 意粉上面鋪滿咗大量炸香咗金黃色嘅蒜片。 一傳上枱已經香氣四溢，「味」力迫人。 意粉炒得夠乾身，而且口感夠曬煙韌， 加上用咗少少墨西哥辣椒同蒜蓉嚟炒，感覺相當之惹味。 而且銀魚仔一啲都唔腥， 反而帶出鹹香， 食到最尾個啖仍然覺得相當滋味。
最後來到甜品 《蒜頭香蕉朱古力醬薄餅 配自家製雲呢拿雪糕》$88， 呢度甜品亦選用咗蒜頭為主角， 聽落感覺雖然怪怪地， 但原來糖漬咗嘅蒜頭，食落甜甜地帶點煙韌之餘， 其實都唔大蒜蓉味。 香蕉同朱古力醬唔使講當然係絕配， 自家製造雲呢拿雪糕亦一點都唔馬虎， 可以睇得出有雲呢拿籽， 味道非常之香甜。
喺晚飯嘅時段餐廳都要排隊，證明唔少嘅朋友都非常之熱愛蒜頭， 大家一齊mad for garlic吧～
Post
