淼屋 (Closed)

朋友睇社交媒體網站foodie介紹嚟食shabushabu set，$750一個人，點知伏到爆。間餐廳完全空嘅，全晚得我哋一張枱。前菜好普通。魚生set超市都好食過佢。shabushabu一上個鍋成兜菜捧出嚟，社交媒體網站post話會幫你開鍋係假嘅，其實係每人四塊牛嘅火鍋，其餘都係食菜。個任食menu上面有唔超過20樣嘢，除咗街市冰鮮舖有得賣嘅五花腩同雞肉，其餘—菜全部都係菜。仲要佢8:40捧個鍋出嚟，然後話9:15 last order。我哋第二輪嗌2份蘿蔔，結果同第一輪一份蘿蔔嘅份量一樣，只不過係一開二，薄到呢。啲牛有A5嘅肥，但肥同肉好似象棋棋盤楚河漢界咁分佈鮮明。服務態度好差，第一輪嗌咗竹輪，冇上到，我哋同waiter講，佢哦咗一聲就算。9:50叫我哋埋單，10點00分叫我哋走。食得好唔開心，大家唔好中伏。