Video
Read full review
2022-07-12
856 views
諗住返工前食個早餐，見到百分百就入咗嚟食。其實最主要嘅原因唔係嘢食，叫咗個蕃茄雞扒意粉轉米粉其實都ok，過得去。最想講係啲態度。11點幾上菜，12點搭2左右食曬，飲埋啖檸茶， 其實我都已經夾好曬錢、帶定口罩、諗住坐多兩三分鐘先走。其實我喺呢間舖頭成個過程都只係逗留咗七個字(或者八個字)(35-40分鐘)。有個金頭髮冇戴眼鏡紮辮嘅阿姐，一路執走曬我枱上面嘅所有嘢同埋一路講小姐我出面有好多人等位)，冇㗎啦…呢句嘢之後就冇下一句㗎啦… 你咁講都係想我走嘅啫。其實一個人嚟食嘢坐咗半個鐘多啲都唔係好過份啫？你爆場唔會要個客幫你諗方法呱？而且我上幾次嚟食都冇呢個遭遇，我次次都係坐半個鐘就走。唔通你見到我好蝦呀想搵我發洩啊？其實如果有限時我唔係介意， 你要同個客講， 大家都做呢行，都知道要做生意。但係我都冇話好過份坐成個鐘先走，所以有啲委屈所以下一次我再嚟咁遠水路返工我寧願訓入停屍間都唔要就畀呢度食，完！
其實最主要嘅原因唔係嘢食，叫咗個蕃茄雞扒意粉轉米粉其實都ok，過得去。最想講係啲態度。
11點幾上菜，12點搭2左右食曬，飲埋啖檸茶， 其實我都已經夾好曬錢、帶定口罩、諗住坐多兩三分鐘先走。其實我喺呢間舖頭成個過程都只係逗留咗七個字(或者八個字)(35-40分鐘)。有個金頭髮冇戴眼鏡紮辮嘅阿姐，一路執走曬我枱上面嘅所有嘢同埋一路講小姐我出面有好多人等位)，冇㗎啦…呢句嘢之後就冇下一句㗎啦… 你咁講都係想我走嘅啫。
其實一個人嚟食嘢坐咗半個鐘多啲都唔係好過份啫？你爆場唔會要個客幫你諗方法呱？
而且我上幾次嚟食都冇呢個遭遇，我次次都係坐半個鐘就走。唔通你見到我好蝦呀想搵我發洩啊？
其實如果有限時我唔係介意， 你要同個客講， 大家都做呢行，都知道要做生意。但係我都冇話好過份坐成個鐘先走，所以有啲委屈
所以下一次我再嚟咁遠水路返工我寧願訓入停屍間都唔要就畀呢度食，完！
Post