小時光 (Closed)

出到嚟社會番工做嘢，有無開始因為勞碌而忘記自己過去的回憶及目標導，連小時候既同學朋友都漸漸疏遠？所以幾時都話間唔時一齊約埋收工食飯真係好緊要～呢個星期五約埋班同學仔係觀塘既「小時光」食飯，尋找番大家共同既小時光～入到去既佈置全部都係細個讀書既枱枱櫈櫈，仲有睇過既漫畫，見到真係有種回到過去既感覺😍到食物方面，估唔到佢地有我細個勁鐘意既美祿❤️❤️諗都唔洗諗，即刻叫🤣嘢飲既擺設好講究，係用番讀書上science時用既化學瓶，真係好過癮～佢地仲好細心咁將冰同美祿分開，防止啲冰溶左溝稀飲料！另外配埋美祿粉，覺得唔夠濃可以加入👍🏻至於食物我嗌左佢哋嘅首選推介，台式滷肉飯便當，當中有很多不同的配料，非常豐富，我最欣賞的是他們的滷肉飯，肉質軟，加上少少脂肪，成碗飯變得非常香口😍