Video
Read full review
2021-02-11
802 views
同老人家食團年飯特別緊張, 今日揀咗食中菜位於戲曲中心的滿樂中菜食早飯, 之前同朋友嚟食過晚飯, 裝潢及食味都不錯, 相信呢位老人家應該滿意的。見到呢啲2人~12人嘅冬至及團年飯餐牌有啲心噏, 我諗食店家陣經營得好困難, 希望牛年係一個好開始。個個月黎滿樂中菜食飯都唔會悶, 佢地啲菜式好多傳統菜, 唔計新菜式, 成十頁餐牌都有排試, NEXT ROUND 要試蝦子炆柚皮煲叫魚翅+鮑魚套餐要$430 , 識食梗係叫呢個迎新春套餐吧, 特價$588己包了魚翅+鮑魚, 抵好多!紅燒潮州中鮑翅魚翅跟火爐上, 確保魚翅鮑湯食食吓唔會凍左。誇張啲........啲翅好似手指尾咁粗壯, 份量非常多, 斤兩十足, 魚翅爽口, 鮑汁上湯有肉香及金華火腿嘅鹹香, 鹹度及濃度也適中。6頭鮑魚伴鵝掌鮑魚炆得入味, 鮑魚味頗濃, 口感有點微彈, 鮑汁以雞肉、猪肉、金華火腿等淆得好濃杰, 好香。鵝掌炆得腍滑非常, 鮑汁入曬鵝掌皮裡, 膠質也出曬嚟, 老人牙力不好也沒問題, 連鵝掌根都好軟滑, 個人覺得鵝掌比鮑魚更吸味, 更好食。金沙發財卷拼龍鬚好市龍鬚炸得脆卜卜, 內裡有層厚蝦膠包住蠔豉, 花膠彈牙, 蠔味夠香
見到呢啲2人~12人嘅冬至及團年飯餐牌有啲心噏, 我諗食店家陣經營得好困難, 希望牛年係一個好開始。
個個月黎滿樂中菜食飯都唔會悶, 佢地啲菜式好多傳統菜, 唔計新菜式, 成十頁餐牌都有排試, NEXT ROUND 要試蝦子炆柚皮煲
叫魚翅+鮑魚套餐要$430 , 識食梗係叫呢個迎新春套餐吧, 特價$588己包了魚翅+鮑魚, 抵好多!
紅燒潮州中鮑翅
魚翅跟火爐上, 確保魚翅鮑湯食食吓唔會凍左。
誇張啲........啲翅好似手指尾咁粗壯, 份量非常多, 斤兩十足, 魚翅爽口, 鮑汁上湯有肉香及金華火腿嘅鹹香, 鹹度及濃度也適中。
6頭鮑魚伴鵝掌
鮑魚炆得入味, 鮑魚味頗濃, 口感有點微彈, 鮑汁以雞肉、猪肉、金華火腿等淆得好濃杰, 好香。
鵝掌炆得腍滑非常, 鮑汁入曬鵝掌皮裡, 膠質也出曬嚟, 老人牙力不好也沒問題, 連鵝掌根都好軟滑, 個人覺得鵝掌比鮑魚更吸味, 更好食。
金沙發財卷拼龍鬚好市
龍鬚炸得脆卜卜, 內裡有層厚蝦膠包住蠔豉, 花膠彈牙, 蠔味夠香濃, 鹹香味鮮, 成件事好香口。
一層薄皮包住髮菜炸, 炸好後用鹹蛋黃兜炒, 香口到爆燈, 中國人傳統新年食物最緊要好意頭, 髮菜喻意發財, 髮菜咁樣食其實原來爽爽地, 髮菜拈少許附送的醬, 個醬甜甜地, 配惹味鹹香的鹹蛋黃, 老人家好鍾意食。
蘿蔔煮細黃花魚
原條黃花魚酥炸, 魚頭炸到脆卜卜, 魚頭直情可以成個食落肚補充鈣質, 炸過的魚皮再煮, 煮完都好完整又香口。
魚肉卻保持到嫩滑口感, 嫩滑到一啲都唔似炸過的魚。
農曆新年期間蘿蔔質素最好, 又腍又甜又多汁, 吸曬上湯嘅味道, 好好食。
金華竹笙扒雙蔬
竹笙爽口吸味, 跟底下既紹菜一樣, 吸收晒個惹味鮑汁, 紹菜同蘿蔔同樣當造, 又腍又甜
金華火腿出奇地唔係好鹹, 肉質結實鹹香, 好嚼口。
鳳凰煎年糕
今年第一件年糕, 用雞蛋煎香, 又出奇地乾身, 冇話煎到油淋淋, 年糕有點厚度, 軟彈煙韌唔黐牙, 唔太甜, 每人一件剛剛好。
福果薑薯湯丸
大量爽口木暑片, 福果是糖漬過的白果, 口感軟糯煙韌, 還有大量小丸子, 又係好彩糖水唔太甜, 有少許薑汁香, 食埋呢個糖水飽到上心口了。
環境好, 食味唔錯, 服務又好, 老人家非常滿意的早食鳥團年飯。祝生意興隆!
Post
