快樂牛

Open Now

Now Closed

天氣冷，食雪糕就最過癮！原來今日係24節氣入面嘅大寒，咁咪係即係一年入面最凍嘅日子🤔，咁呢日子食雪糕🍦一定夠哂過癮🤪，所以襯返工前路過Happy Cow整返杯過下口癮先。原來佢地呢期推出左農曆新年限定特別版 - 鼠年福到甜筒，$58就有兩支，杯裝單球加$15仲有多一杯既升級優惠。呢個老鼠造型真係好得意🐭！兩口子一齊去食就最開心😋，又可以打卡影相玩摩天輪🎡呃下like🤭，可惜我一陣要返工去😖，用唔到呢個優惠。雪糕一入口，好重椰糖味，但食多兩味就開始唔覺，原有嘅雪糕味都開始出返黎！原來Happy Cow嘅雪糕都係天然純素，睇返介紹即係不含奶製品、蛋類、大豆、麩質及膽固醇。產品來自椰漿及椰糖混製，再加入水果及果醬而成；無添加人造味精、食用色素及防腐劑，食得健康又環保。食物敏感同乳糖不耐症人士都可以安心食用。