Video
Read full review
2022-12-23
91 views
結婚週年果晚，同老公去咗大美督，一聽到大美督就會諗起燒烤，但上「🍚」見到呢度有間滿意度極高嘅西餐，所以就嚟試吓。在大美督村嘅「R & Y’s International Cuisine」係一間位於村屋地下嘅西餐廳，像私房菜。17/12 當晚已有 Christmas Set 供應，一看menu 就覺得好吸引，雅芝竹、北海道帶子、西班牙紅蝦、法國鴨胸粒配湯，用料咁高質嘅？！一坐低，先來一口 parma ham 配酸酸地嘅醋汁，賣相好靚，打咭一流。然後是Appetiser —「白酒燜雅芝竹心、煙三文魚及蟹肉沙律 + 燒挪威小龍蝦配黑魚子醬」。雅芝竹煮法幾特別，用煙三文魚包著，上面放咗蟹肉沙律，雅芝竹吸收哂蟹肉沙律嘅味，好軟好好味。小龍蝦食得出好新鮮，彈牙，燒得幾香，配埋黑魚子醬食，正！未上餐湯，我哋已經忍不住食麵包籃內嘅蒜蓉包，啱啱焗出嚟外脆內軟，不過最好味係香葱落薄脆，薄到透光，好香口，一個人食咗一大塊。然後是「香草牛油焗干邑野菌燴田螺」，汁料好香濃惹味，用來點蒜蓉包食好正。「香煎北海道帶子配雜菜中東黎麥」，帶子半熟，煎到外脆內軟。除了吸睛嘅北海道帶子外，還有切到同黎麥一樣咁細嘅雜菜，細到
在大美督村嘅「R & Y’s International Cuisine」係一間位於村屋地下嘅西餐廳，像私房菜。
17/12 當晚已有 Christmas Set 供應，一看menu 就覺得好吸引，雅芝竹、北海道帶子、西班牙紅蝦、法國鴨胸粒配湯，用料咁高質嘅？！
一坐低，先來一口 parma ham 配酸酸地嘅醋汁，賣相好靚，打咭一流。
然後是Appetiser —「白酒燜雅芝竹心、煙三文魚及蟹肉沙律 + 燒挪威小龍蝦配黑魚子醬」。
雅芝竹煮法幾特別，用煙三文魚包著，上面放咗蟹肉沙律，雅芝竹吸收哂蟹肉沙律嘅味，好軟好好味。
小龍蝦食得出好新鮮，彈牙，燒得幾香，配埋黑魚子醬食，正！
未上餐湯，我哋已經忍不住食麵包籃內嘅蒜蓉包，啱啱焗出嚟外脆內軟，不過最好味係香葱落薄脆，薄到透光，好香口，一個人食咗一大塊。
然後是「香草牛油焗干邑野菌燴田螺」，汁料好香濃惹味，用來點蒜蓉包食好正。
「香煎北海道帶子配雜菜中東黎麥」，帶子半熟，煎到外脆內軟。除了吸睛嘅北海道帶子外，還有切到同黎麥一樣咁細嘅雜菜，細到完全溶入汁內，入口滑溜，好有心機！
「干邑野菌濃湯配香煎法國鵝肝粒」，野菌湯好creamy，底部有一粒粒燒到好香嘅鵝肝粒，好似食緊燒鵝皮咁香。
每上一道菜大廚都會出現介紹，得知大廚即係老闆喺外國工作過，鍾意用各國高質食材煮出適合香港人嘅口味。仲同我哋解釋因為太遲先知我哋嚟食飯，趕唔切訂澳洲肉眼同西班牙紅蝦，但佢換咗美國 Prime 同花竹蝦代替，果份認真，我以為自己食緊過千蚊嘅西餐。
然後是Main course，有2款，分別係「美國 Prime 肉眼配薯餅」& 「香煎銀雪魚及花竹蝦配馬天尼酒忌廉汁。
肉眼扒無筋，質感軟身，燒得幾香。銀雪魚好香，蝦🦐夠彈牙，有鮮味。
最後是「甜品拼盤」，Tiramisu & cheese cake 係老闆handmade 嘅，特別幼滑，帶好濃嘅雲尼拿味，仲寫埋「Happy Anniversary」💖！
食材高質、煮法講究、賣相精緻、味道一流，這個set 只是 $698/位，性價比好高，下次要再encore！
呢間隱世餐廳唔喺路邊，我哋都要問人先搵到，想嚟嘅朋友記得喺大美督村公所旁邊條路行上去就會見到。
Post
