MX (海富商場) (Closed)

很久沒有去美心食過飯了。今晚心血來潮走左入去食，食物其實都唔差既，不過……話說我係比呢張海報吸引左大師級喎，究竟有幾正先😎揀左個啖啖叉燒栗米燴飯，跟餐飲$45，很經濟。等左好耐，終於令到個餐。（因為我朋友食蒸魚仲快過我取餐）對比返上面張圖，佢真係做到圖文相付，圖中碗飯只有三件叉燒佢就真係上三件叉燒俾你，非常誠實，不過望見個三件叉燒，有點像沙漠中的綠洲，真係要慢慢品嚐。三件叉燒都屬厚切，做到半肥瘦效果。但放入口中便叫人有點失望，肥瘦不均，有點兒鞋口既感覺。如果佢只是普通既叉燒，我是收貨的，但他被標榜為大師級既叉燒，個人認為他水準未到。我曾吃過入口即溶既靚叉燒，叉燒醬汁不會只偏咸還會帶甜味，很懷念那種質感和味道，可惜在這裡找不到。但要讚他的粟米蓉做得很出色，不會太水也不會太杰，而且粒粒大粟米，甜甜的，伴飯真的很好吃，最後我真的把整碗飯吃完。