Patisserie Tony Wong (Closed)

幾個女仔出街點會少得去high tea 食甜品呢，今次就去左沙田 Patisserie Tony Wong 既cafe試下, 外賣cake 就試得多,坐低食都係第一次，因為店成曰都要等位，今次人唔算多，等約20分鐘左右就有位，我吔3個人點左4件cake share 食，有one two tea, mixed berry napoleo, fresh fruit tart同埋coffee devil, one two tea 有非常香earl grey tea 既味道，creamy 得來唔算太甜（係我必食之選），mixed berry napoleo 即係雜莓拿破倫，餅底拿破倫好脆口，每層夾住吉士好好味，食呢個最好大啖的將的莓連同餅底一齊食，又甜又酸，囗感一流，fruit tart 的藍莓排到金字塔咁，一义開已經散左，但分開食味道都幾好食，個餅底好香奶油味，coffee devil 㗎啡味唔算濃，4款來講最甜依款，雖然味道唔濃但聞到最香，最後當然要飲返柸㗎啡先滿足啦，我點左柸麥盧卡蜂蜜泡沫㗎啡，㗎啡味非常香，拉花唔算好靚，飲落去的泡泡香滑味濃，而且真係飲得出有蜂蜜味道，囗感豐富，都幾特別