海皇粥店 (英皇道) (Closed)

大年初一一早都要有個好開始！一個好嘅開始就係要有個好嘅早餐。好嘅早餐先可以令你有個好嘅一日。今日落北角屋企人度逗其他親戚嘅利是啦。今日又係先喺附近食返個靚靚早餐先～～海皇粥店。我媽就叫咗個西洋菜肉片粥，跟半客油條。我就散叫個碎牛豬紅粥同牛肉腸粉。碎牛都真係幾碎下……碎到都唔係好食到，不過都幾好食嘅，個粥都好夠味，一啲都唔淡，其實食下食下你又會食到啲碎牛㗎啦，所以還好。牛肉腸又係好足料嘅，牛肉好多，馬蹄都好多，倒埋豉油落去，味道更好。