Video
Read full review
2019-06-20
59 views
係尖沙咀行街，突然口痕想食日式燒物，所以就黎呢間餐廳食晚餐。環境方面，唔算寬敞，我地比人安排坐吧位，可以見住廚師燒野食。燒大扇貝一上呢個扇貝，比佢嚇親，個SIZE同手掌咁大，而且係由幾粒組成。味道好鮮甜！食唔停口！帶子串燒，牛舌串燒同雞肉大蔥串燒一口氣叫左3款串燒，3款都冇令人失望！火氣剛剛好，唔會燒得過火，同時將肉汁鎖住左！正！3款串燒入面，最推薦既係雞肉大蔥串燒。因為雞肉KEEP到嫩滑，再加上大蔥既加持下，成個口感好清爽，唔會太過油膩。招牌酥脆雞塊見到隔黎位食得好正既樣，我地都跟風叫左。的而且確，冇令人失望。唔會太乾身，成功鎖住肉汁，而且炸粉係岩岩好，唔會食到大半舊都係炸粉既情況發生。重點係：無！骨！的！啖啖肉，爽！燒魚腩我地仲叫左燒魚腩食。肉既質感嫩滑都不得了，魚皮好脆身，滴埋檸檬汁食，酸得黎好清新。因為今次係飽住去食晚餐，搞到試唔到太多野食。下次再去，要叫多D燒物同刺身先得！整體質素都好好，燒物既火侯控制得好好，而且其他炸物亦都唔錯！
燒大扇貝
一上呢個扇貝，比佢嚇親，個SIZE同手掌咁大，而且係由幾粒組成。味道好鮮甜！食唔停口！
帶子串燒，牛舌串燒同雞肉大蔥串燒
一口氣叫左3款串燒，3款都冇令人失望！火氣剛剛好，唔會燒得過火，同時將肉汁鎖住左！正！3款串燒入面，最推薦既係雞肉大蔥串燒。因為雞肉KEEP到嫩滑，再加上大蔥既加持下，成個口感好清爽，唔會太過油膩。
招牌酥脆雞塊
見到隔黎位食得好正既樣，我地都跟風叫左。的而且確，冇令人失望。唔會太乾身，成功鎖住肉汁，而且炸粉係岩岩好，唔會食到大半舊都係炸粉既情況發生。重點係：無！骨！的！啖啖肉，爽！
燒魚腩
我地仲叫左燒魚腩食。肉既質感嫩滑都不得了，魚皮好脆身，滴埋檸檬汁食，酸得黎好清新。
因為今次係飽住去食晚餐，搞到試唔到太多野食。下次再去，要叫多D燒物同刺身先得！整體質素都好好，燒物既火侯控制得好好，而且其他炸物亦都唔錯！
Post
