僕之拉麵 (Closed)

♧僕之拉麵次次食拉麵嘅時候都會嫌啲叉燒唔夠多，得兩塊食幾啖就食完。之前見過其他人推介呢款用愛食者拉麵，一望已經覺得好吸引，今日經過旺角就嚟咗呢間拉麵店試吓！🍜肉愛食者拉麵（$120）呢一款拉麵有三倍嘅叉燒份量，仲有角切叉燒、蔥、味筍、糖心蛋（係成隻蛋㗎！）等等嘅配料，滿足晒鍾意食餸嘅我🫶🏻佢嘅叉燒鋪晒喺個碗邊，令到我哋一望落碗拉麵就見到好多叉燒超有滿足感！而且佢嘅賣相仲好吸引，又睇得又食得！🍜基本拉麵（$78）如果相對地細食嘅朋友都有其他選擇，可以試返本身嘅基本拉麵，除咗配料冇咁多之外，麵底、湯底水準都係好一致！我哋揀咗豚骨濃湯，佢嘅味道真係好濃郁，不過相對地就會偏鹹少少，鍾意食清淡啲嘅朋友可以揀豚骨清湯🥳🍡炸章魚丸六粒（$30）口感同味道都唔錯，燒汁份量啱啱好，如果想味道豐富啲可以按個人喜好點買沙律醬食～🍗炸雞四件（$38）炸雞炸得好香脆，食落有少少邪惡🫣而且佢嘅雞肉都好入味，再加埋少少檸檬汁就更加Fresh~~💗@boku_no_ramen 📍旺角豉油街74號地舖💰人均消費：約$150