小包包 (Fashion Walk)

Open Now

Now Closed

放假又嚟到銅鑼灣搵食，終於有機會食到呢間人氣Fusion餐廳！一踏入餐廳感覺好舒適，露天位置放咗啲植物，好似去咗旅行咁！佢哋主打以中式包點結合漢堡包概念炮製菜色，由前菜、主菜到甜品，款款都好有特色！墨西哥炸雲吞菜式結合咗taco同炸雲吞，面頭加上咗四川菠蘿莎莎同自家製牛油果醬，炸雲吞嘅香脆口感配上莎莎嘅麻香同甜酸味，好開胃！慢煮牛腩骨煎餃澳洲牛腩骨牛味好濃，煎餃鋪上芹菜頭沙律減去油膩感，店員推介我哋加埋KY Hawt Sauce一齊食，另一番風味～招牌豬腩包五花腩肉肥瘦均勻，經慢煮後令肉質更細嫩，包入面夾埋大蔥紫蘇葉沙律、芝麻醬、海鮮茄汁，配搭新奇又好味。擔擔辣雞包鍾意食辣嘅朋友一定要試呢款！擔擔辣醬加埋煙燻蒜辣醬好惹味，香辣得嚟味道非常豐富，雞肉多汁又嫩滑，綠茶雪糕包外層係炸得香脆嘅金黃色饅頭，夾住茶味香濃又唔會過甜嘅綠茶雪糕同煉奶，外脆内軟冰火交融，大推！薑餅人雪糕包同樣係香脆炸饅頭，入面夾住薑味Gelato同鹽味焦糖醬，味道好特別！