Ladurée (Closed)

最好食嘅馬卡龍。Laduree 位於尖沙咀海港城，暫無其他分店，亦是唯一一間保持水準，令我心動嘅法式馬卡龍店鋪。店鋪嘅裝修帶有強烈浪漫氣息，馬卡龍形形色色，顏色色彩繽紛，口味選擇亦相當多元化。馬卡龍尺寸比普遍市面上嘅大少少，餅底輕盈，重點入口超鬆化，帶點軟棉棉的，仲有回黏嘅效果。最愛就係迷人粉紅浪漫玫瑰味，顏色超靚，玫瑰味並唔係浪得虛名，入口一刻已經知道自己揀啱咗，玫瑰味好濃郁，細昧下更如置身玫瑰花園中一樣，視覺、味覺、嗅覺都一流，而且甜度屬於輕甜度數，食多幾個都未見膩。除了玫瑰味外，焦糖、開心果、車厘子等味道也很好，各有味道各有特式，真係超級大愛！下次經過一定要再買！真係超喜歡喔！