八方雲集鍋貼水餃專門店

Open Now

Now Closed

今日同友人去呢間野食鍋貼，見都有唔少人喺到食緊，應該唔會差得去邊，點知結果出人意料。嗌完鍋貼等候時，已經見到有唔少蟲仔喺檯到爬，拍死後諗住冇野，又出嚟一隻，索性眼不見為淨。終於等到鍋貼上場，好死唔死墻邊咁啱爬咗隻曱甴出嚟，我左閃右避佢都係向我爬嚟，逼不得已我只能夠換咗個座位，可惜映入眼簾嘅又係一隻喺前面出現嘅曱甴，所幸距離較遠，我同友人快快手食完眼前嘅食物，我而家都記唔起佢嘅味道，一個原因係曱甴嘅壓迫感太強，令我無法專心食野，另一原因亦係佢嘅鍋貼真係唔好食。