妹記大排檔

Open Now

Now Closed

妹記大排檔永遠都係一大班人團聚嘅好地方。但係提醒大家如果多人的話，可以預先打電話去留張枱，否則係佢繁忙嘅話都要等一段時間。首先餐廳嘅環境非常闊落，入到去係一間比較現代式嘅茶餐廳。菜單包羅萬有，幾乎你想食嘅小菜講得出就煮到俾你。特別推介脆豬手，用嚟送啤酒一流！脆豬手唔會話好鹹，仲加上泰式辣醬俾你配。蠔餅又係一道令人齒頰留香既餸菜，師傅煎到卜卜脆，同時把少量蔥花加入到去蠔餅嘅中間，可以辟去蠔腥味。至於粟米斑塊，口水雞，椒鹽九肚魚都係水準之內。呢一間餐廳仲有一個特色，只要你捱啤酒，佢就會送上凍冰冰嘅戰鬥碗俾你倒啤酒！有興趣嘅，不妨好多人gathering嘅時候選擇嚟呢一間餐廳啦！