Video
Read full review
2023-03-16
417 views
樓上大排檔 (灣仔)話說最近朋友轉左工 因為返工近左所以約食飯 搵有咩新餐廳既時候就搵到呢間🤩因為兩個女仔都唔食得好多野 但係都叫左5樣野食😂冇計啦～見到隔離枱啲野食都好似好好食甘🤤一上到去見到間餐廳主打懷舊大排檔既裝修 又播哂懷舊金曲 真係好似回到過去金沙脆魚皮 $60一見到呢個菜就要叫因為小編好中意食鹹蛋黃☺️上到黎小編就迫不及待要起筷🥢完全有驚喜😆好脆之餘又好好食 d鹹蛋黃醬掛哂係魚皮上面 唔會醬還醬 魚皮還魚皮 必點‼️樓上小炒皇 $148食得出好有鑊氣👍🏼都係有果d材料 韮菜、蝦乾、腰果及魷魚等 佢仲有貝柱仔 雖然本人唔係幾中意食韮菜😂因為怕有草青味 但呢度果d韮菜冇 所以一啖又一啖甘食 果種鹹香既味道真係令人越食越想繼續食🤤馬拉盞生菜🥬煲 $98個煲上既時候都咋咋聲 又勁香 個待應會係我地面前炒幾下以免黐底 生菜配上蝦乾 又的確係幾惹味😋蟹油炒麵 $108因為用左蟹油黎炒 所以好香 不過食落唔算話有蟹味 但係我地d餸配埋一齊食 一個字：絕👏🏼 面底都爽口彈牙同埋d面雖然有油光不過炒得都乾身招牌脆皮乳鴿 $78乳鴿就正常發揮 冇咩特別 不過佢既肉都係好嫩下 唔會話好un食緊野既途
話說最近朋友轉左工 因為返工近左所以約食飯 搵有咩新餐廳既時候就搵到呢間🤩因為兩個女仔都唔食得好多野 但係都叫左5樣野食😂冇計啦～見到隔離枱啲野食都好似好好食甘🤤一上到去見到間餐廳主打懷舊大排檔既裝修 又播哂懷舊金曲 真係好似回到過去
金沙脆魚皮 $60
一見到呢個菜就要叫因為小編好中意食鹹蛋黃☺️上到黎小編就迫不及待要起筷🥢完全有驚喜😆好脆之餘又好好食 d鹹蛋黃醬掛哂係魚皮上面 唔會醬還醬 魚皮還魚皮 必點‼️
樓上小炒皇 $148
食得出好有鑊氣👍🏼都係有果d材料 韮菜、蝦乾、腰果及魷魚等 佢仲有貝柱仔 雖然本人唔係幾中意食韮菜😂因為怕有草青味 但呢度果d韮菜冇 所以一啖又一啖甘食 果種鹹香既味道真係令人越食越想繼續食🤤
馬拉盞生菜🥬煲 $98
個煲上既時候都咋咋聲 又勁香 個待應會係我地面前炒幾下以免黐底 生菜配上蝦乾 又的確係幾惹味😋
蟹油炒麵 $108
因為用左蟹油黎炒 所以好香 不過食落唔算話有蟹味 但係我地d餸配埋一齊食 一個字：絕👏🏼 面底都爽口彈牙同埋d面雖然有油光不過炒得都乾身
招牌脆皮乳鴿 $78
乳鴿就正常發揮 冇咩特別 不過佢既肉都係好嫩下 唔會話好un
食緊野既途中聽到👂老闆同d客介紹間餐廳係喜記炒蟹前總廚主理😎估唔到甘有鑊氣啦 見到隨離枱食緊避風塘炒蟹 個賣相唔錯 同埋都見佢地食幾滋味 下次再試下先🤪最重點係 飯後會有甜品🍮送 係番薯糖水😚都好好食👍🏼已經好飽 但係都要食埋😂因為都真係幾好食 番薯都大大舊
Post
