Video
Read full review
2017-02-21
112 views
上星期情人節大忙人男朋友唔得閒慶祝，前日星期日佢放假，可以食個飯當補返數！我想食牛扒好耐，所以OpenRice 睇下有咩餐廳有牛扒食又唔貴！俾我搵到呢間，所以book左檯。見到個名都幾得意！上到去以為大排檔格局，點知每檯都點左蠟燭，即刻覺得高檔左！我點左$399美國燒牛肉眼餐，而男朋友點左$299黑毛豬肉眼餐！我驚唔夠飽，所以再加左個$69海鮮拼盤。初時都驚驚地，生蠔會唔新鮮，點知又好鮮甜，食到有海水味！最特別既係佢有兩個醬汁俾你點，兩個都好夾啲海鮮，好鐘意！食完拼盤後，佢就上左湯，一摸個碗，係熱架！！好好啊，覺得呢間「大排檔」好高水準！男朋友飲羅宋湯，佢覺得有啲咸，但好足料，因為有成塊牛腩。而我飲松露蘑菇湯，好好味，黑松露唔會過多，岩岩好，唔會蓋過蘑菇味，只係我嫌佢份量太少，唔夠喉。主角上場～我叫左7成熟，初時都驚會變左全熟，切開黎睇～～Good!!好滿意，真係7成！味道好好，無雪味，絕對唔係急凍牛扒！而男朋友既豬分左一半俾我試，竟然比牛好味！！當然本身塊豬有調味過，唔可以咁比較！而我都分左一半牛俾我男朋友，佢對食牛都好高要求，佢都覺得唔錯！伴碟既薯蓉、蕃茄仔、瓜和黃椒都俾我地一一清
我點左$399美國燒牛肉眼餐，而男朋友點左$299黑毛豬肉眼餐！
我驚唔夠飽，所以再加左個$69海鮮拼盤。初時都驚驚地，生蠔會唔新鮮，點知又好鮮甜，食到有海水味！最特別既係佢有兩個醬汁俾你點，兩個都好夾啲海鮮，好鐘意！
食完拼盤後，佢就上左湯，一摸個碗，係熱架！！好好啊，覺得呢間「大排檔」好高水準！男朋友飲羅宋湯，佢覺得有啲咸，但好足料，因為有成塊牛腩。而我飲松露蘑菇湯，好好味，黑松露唔會過多，岩岩好，唔會蓋過蘑菇味，只係我嫌佢份量太少，唔夠喉。
主角上場～我叫左7成熟，初時都驚會變左全熟，切開黎睇～～Good!!好滿意，真係7成！味道好好，無雪味，絕對唔係急凍牛扒！
而男朋友既豬分左一半俾我試，竟然比牛好味！！當然本身塊豬有調味過，唔可以咁比較！而我都分左一半牛俾我男朋友，佢對食牛都好高要求，佢都覺得唔錯！伴碟既薯蓉、蕃茄仔、瓜和黃椒都俾我地一一清曬！初時以為唔夠飽，事實證明係好夠飽架！呢餐食完已經無胃裝甜品啦，雖然甜品只需加$19，不過留返下次encore先！
最後，值得一讚既係，呢度服務好好啊！絕非大排檔服務！
Post
