Video
Read full review
2014-08-11
1155 views
由舊舖已經開始幫襯水記, 泰菜小菜打邊爐都回味無窮, 到新舖出現, 打邊爐沒有了, 有少少失望, 好在還有好正的泰菜。新舖落成一段時間, 於OPENRICE都未見其蹤影, 極想寫的我就向OR上報, 可惜只是得到未有此餐廳之回覆...um...google map 都show到, 竟然無? by the way, 好多謝成功令水記登上OR的大大!水記位於甘霖街及豉油街交界, 其實都幾入, 要經過好幾條冷清的街才到, 好在有遠遠都清楚望見的燈箱! 幫襯不止十次的我當然知道- 晚飯時段食水記要等位是常識吧! 好在每次不是等好耐就有位喇! 亦曾試過半夜12點左右來就不用等位了!水記的新舖是橫誇兩個舖位, 雖然比舊舖細, 但裝修比以前明亮光猛!講明是大排檔FEEL, 不同的只是有冷氣, 但請有心理準備, 位置小, 跟隔離檯超近, 大機會要搭檯, 很嘈, 如追求舒適餐廳環境的你就三思喇, 不過我來的目的是追求食物! 坐底後店員就會奉上茶, 水杯及餐具, 因檯面位置有限, 多數洗完就叫人拎走壺茶, 留多些空間放美食。餐牌有泰菜, 小菜等...很多選擇!雖然價錢比起舊舖貴, 但比起坊間仍然算是經濟!
水記位於甘霖街及豉油街交界, 其實都幾入, 要經過好幾條冷清的街才到, 好在有遠遠都清楚望見的燈箱! 幫襯不止十次的我當然知道- 晚飯時段食水記要等位是常識吧! 好在每次不是等好耐就有位喇! 亦曾試過半夜12點左右來就不用等位了!
水記的新舖是橫誇兩個舖位, 雖然比舊舖細, 但裝修比以前明亮光猛!
講明是大排檔FEEL, 不同的只是有冷氣, 但請有心理準備, 位置小, 跟隔離檯超近, 大機會要搭檯, 很嘈, 如追求舒適餐廳環境的你就三思喇, 不過我來的目的是追求食物! 坐底後店員就會奉上茶, 水杯及餐具, 因檯面位置有限, 多數洗完就叫人拎走壺茶, 留多些空間放美食。
餐牌有泰菜, 小菜等...很多選擇!
雖然價錢比起舊舖貴, 但比起坊間仍然算是經濟!
基本上我幫襯水記食泰菜比較多, 次次都必叫泰式生蝦刺身HK$98, 算是大隻, 每隻上面都有生蒜片, 生蝦下面有冰鎮住, 汁又好味, 蝦亦很爽口! 不過始終是生食,店員都會說最好快些食完! 不過今次有兩隻都只是得半隻...有少少被騙的感覺>_<...因為價錢確實愈來愈貴呢!
另一個必叫是肉碎生菜包 HK$58 (少辣), 我個人認為好食過所謂的正宗泰國菜館, 加了泰式香料的豬肉碎炒得好香生菜多數都新鮮爽脆, 生菜再加入肉碎包起一齊食, 外冷內熱, 好好味! 不夠生菜還可以問店員入些少~
另一款我超鍾意食就是咖哩炒大蜆 HK$78, 竟然!! 今次無~~幫襯咁多次第一次無! 超失落...還再三問不同的店員, 可是得到的都是同一答案...不過仍然是推介, 蜆份量多, 加入蛋, 青椒, 洋蔥, 乾蔥, 香茅等配料, 蜆都掛滿咖哩汁, 平時食炒蜆, 夾到沒有肉的不禁氣了一下, 但這裡就沒有這情況, 不是說蜆肉不會掉出來, 就算只是夾到殼都不會有失望的感覺, 因為占了咖哩汁都好好味呢! 唉, 因為沒有咖哩炒蜆, 失落了5分鐘後就再睇睇其他, 見有幾檯都叫, 就試試未叫過的泰式明爐烏頭 HK$108, 先上爐, 後上烏頭, 嘩~都好大條呀! 還有蔥, 芹菜, 蘑菇等等配料~
湯是店員開火後後上的, 湯是酸酸的挺開胃!
滾後就開動喇, 一掀起魚皮, 魚肉肥美, 還有少少黃油, 加上入了湯汁味道, 很不錯! 條魚都幾大條, 但跟友人都可以消滅呢!
最後就是水記另一招牌菜 沙薑湛江雞半隻HK$88, 雞看似是白切, 但卻大不同, 上檯是暖暖的, 還有少少伴碟的雞雜, 都幾好味架! 雞肉很滑, 加上招牌沙薑, 很不錯!
Other Info. :
CASH ONLY!!!
(The above review is the personal opinion of a user which does not represent OpenRice's point of view.)
Post
