佰天火鍋

Open Now

Now Closed

天氣已經入冬，就諗住去打邊爐，今次揀咗柴灣漁灣街市及熟食中心既「佰天火鍋」，大排檔風味緊係要試吓。入到去已經坐滿9成位，好彩我哋兩個人，人少少唔洗等好耐就有位啦。今次選擇咗雞煲-醬香味（$198/位），雞件有一隻雞份量，而且好滑，調味很濃，勁足料。食完雞煲，就換左個豬骨湯底繼續食、食、食，佢有魚、蝦、蟹、雲吞、生蠔、雞件、肥牛、蜆、魷魚、雞子、萵筍、生菜、油麥菜、冬菇、粟米、金菇菜、蘿蔔、響鈴等等....雖然有咁多好嘢食，但我哋個胃已經比雞煲填滿左7成，最後決定食菜，健康一點點🤏🏻，食咗金菇菜、油麥菜、生菜、粟米、兩粒雲吞、兩片肥牛、魚蛋一粒、腸仔半條，啲菜都好新鮮。