Blend & Grind

Open Now

Now Closed

上次去完上環，今次堅城，mark咗此處，南亞 裔侍應叫我哋坐出面對街卡位， 室內已訂滿， 我見室內全部冇人坐，好奇怪，門口位坐滿， 後來有新客嚟佢又安排入去坐， 似無訂枱喎？開餐，Breakfast Bagel 加 牛油果$115， 煙肉正常 -即不太燶不太乾，兩片鬼老腸一般，滿瀉炒蛋， 忌廉芝士，有些少菜，bagel中間孔唔大，包質正常-不太軟不太硬，最重要加半隻牛油果， 整體豐富滿足。藍莓香蕉班戟$108， 藍莓，希臘乳酪劃少少碟， 正常雜梅焦糖醬灑面，香蕉唔覺，班戟正常無特别香，正常軟度。Flat white$42， 薄身奶， 咖啡味都香濃， 與noc比淡的。我吔張木枱貼街，好似踎大排檔，好易伸手捉到行過路人，好接近看到丁丁一架一架過，見到老夫婦路過，看看每張路過的臉，另外一種娛樂。