巷仔見麵館 (軒尼詩大廈) (Closed)

朋友就住喺銅鑼灣，佢話屋企樓下開咗一間性價比極高嘅餐廳，佢就帶咗我哋嚟呢間巷仔見麵館。店員推介話呢個燉湯做緊優惠價$18，所以我哋先嚟一人一個燉湯。椰皇姬松茸燉湯充滿着椰子嘅清香，而且真材實料，$18一個咁高質嘅燉湯真係夫復何求。呢度嘅出品都甚有特色，其中酥皮焗花膠雲吞雞就非常創新，未試過中式湯上加酥皮，原來都可以好夾。入面除咗有鮮甜嘅雞湯，仲有雲吞同花膠，再混入酥皮，真係口感豐富。朋友仲推介火炙芝士雞扒包，佢話每次嚟都會點呢個。一分為二之後我就明白點解朋友會力推，雞扒係勁厚而且外皮非常香脆，仲有半溶嘅芝士湧出嚟，大啖大啖咬落去，食完真係好滿足。皇子乳鴿新鮮炸起，皮脆肉滑，由頭到腳都咁好味。馬拉盞時菜牛肉煲上枱時仲係滾熱辣，馬拉盞風味帶點微辣，通菜沾滿馬拉盞就非常惹味。牛肉份量極多而且夠厚身，口感仲滑一滑。呢個櫻花蝦臘味煲仔飯一放上枱就已經聞到好香嘅櫻花蝦味，再加上有臘味同芋頭，而且入面仲充滿飯焦，簡直係煲仔飯嘅極致。最後仲食埋甜品，三色芋圓腐竹糖水夠清甜，三色芋圓又大大粒，呢個價錢真心抵食。原味豆腐花都算滑，簡簡單單就已經夠好味。總括來講，呢度係結合左大排檔、茶餐廳、甜品店嘅元素，仲