孖啡 (Closed)

呢間位卡旺角嘅樓上Cafe開咗好多年，評價都幾唔錯，上網見到佢哋嘅明太子意粉個樣好吸引，所以就去試吓啦～環境都算大，座位闊落，但枱椅高度唔係太match，坐落去會覺得張枱有啲高😂 dinner set價錢都合理，包一杯$38嘅飲品，繁忙時間每人要叫一個餐～🔸明太子海蝦意大利粉 $136大推！明太子迷必試！我試過好多明太子意粉，呢度係數一數二好食🤤 因為真係好多明太子，個味好濃郁！平時有啲會落咗好多忌廉，顏色較淺，呢度一睇個顏色就知道好味🤣 意粉掛滿明太子醬，真係超級鹹香惹味！另一點要讚嘅係附送咗一片檸檬，加少少檸檬汁落意粉，可以解膩👍🏻 仲要用咗海蝦，性價比好高！有6隻蝦，好彈牙爽口好好食！為咗呢個意粉會再返嚟幫襯😆🔸凱撒沙律 $98出得街食飯多，決定要食多啲菜，所以叫個沙律🥗 呢個沙律份量好多，味道都幾好！主要係沙律菜好新鮮爽脆！麵包粒都好脆！想食light啲可以揀呢個～ 不過如果加多塊雞扒會仲好，多啲蛋白質🤣🔸芝士焗薯條 $48味道唔錯！面頭好多芝士～ 但唔係有芝士醬嗰款，而係拉絲芝士！如果裡面都有芝士就好，因為食到底會無咩芝士～飲品就無咩特別，比較甜，下次試吓咖啡先～如果嚟食飯，