南대門

Open Now

Now Closed

又嚟到金巴利道搵韓國餐廳，呢間主打韓式燒肉，平日晚上都幾full吓，所以被吸引入去🤣 雞牛豬、鍋物、炸物等樣樣有齊，價錢合理，店員服務態度十分友善，值得加分👍點完餐之後就會附上前菜，可以任添，最驚你食唔飽！茄子、蘿蔔絲、泡菜、沙律，醃得夠味而且辣度適中，叫多碗白飯就可以自己整碗撈撈👌 燒物盤係個龜仔造型，好可愛，雞肉超大塊，上枱時真係嚇親，以為比錯咗，外皮燒至微焦，肉質咬落又嫩又juicy，完全唔乾，性價比極高，大推💕湯品有唔少選擇，海鮮豆腐湯配料十足，滿滿蛋白質，清甜滋味，十分暖胃，搭配白飯，健康又飽肚，唔食辣嘅可以走辣，老少咸宜～ 之後上埋火鍋，餃子、豆腐、翠玉瓜、紅蘿蔔、雜菇、娃娃菜、年糕、蔥等，仲有超級掛汁又滑嘟嘟嘅粉絲，不過嫌湯底落得太多黑蒜，除此之外整體嚟講都OK😚