Video
Read full review
2023-10-12
34 views
胡椒豬肚豬軟骨鍋 半鍋 $188呢個真係小編推薦，雖然胡椒鍋唔算好夾打邊爐底，但呢個胡椒湯真係好高質！我為左想食多d野，叫左半鍋，但料都好多！豬軟骨都仲有5大舊！蘿蔔冇渣好甜！湯頭超級超級重胡椒味！但唔會淨係辛感！仲有豬骨嘅味！黎緊冬天，飲完個湯一定好暖胃！雪花牛舌心 $128平時燒肉就食得多，邊爐就好少食牛舌芯，厚度同平時燒肉相近，薄薄地幾爽，不過牛味唔算好重，同埋胡椒湯同牛舌唔算好夾，小編都係建議燒肉先叫！牛胸爽 $128呢個小編非常推薦，牛胸爽水滾10秒左右唔洗就拎得起拎食！口感超級爽口，仲有好濃郁嘅牛油香味！好特別！頂級安格斯牛肉（小碟）$178呢個又係非常推薦，拎上碟，睇到厚度非常厚，起碼係出面打邊爐兩倍，有誠意，口感都好好多，而且油脂分布好好，非常接近入口即溶！！質素非常好！特價台山桶蠔 $138桶蠔好大隻，味道唔腥，而且煮完之後都唔會縮細、蠔味十足，必食手打墨魚麵 $78呢個都幾有特色！算係一個得別版烏冬，有墨魚味，爽彈2-3倍嘅版本！黎到都建議要一試！牛肝菌黑松露豬肉丸 半份 $58肉感有少許彈牙！肉味反而好重，肉同肥嘅比例大概7:3，肉香有咬感仲帶d juicy！黑松
呢個真係小編推薦，雖然胡椒鍋唔算好夾打邊爐底，但呢個胡椒湯真係好高質！我為左想食多d野，叫左半鍋，但料都好多！豬軟骨都仲有5大舊！蘿蔔冇渣好甜！湯頭超級超級重胡椒味！但唔會淨係辛感！仲有豬骨嘅味！黎緊冬天，飲完個湯一定好暖胃！
雪花牛舌心 $128
平時燒肉就食得多，邊爐就好少食牛舌芯，厚度同平時燒肉相近，薄薄地幾爽，不過牛味唔算好重，同埋胡椒湯同牛舌唔算好夾，小編都係建議燒肉先叫！
牛胸爽 $128
呢個小編非常推薦，牛胸爽水滾10秒左右唔洗就拎得起拎食！口感超級爽口，仲有好濃郁嘅牛油香味！好特別！
頂級安格斯牛肉（小碟）$178
呢個又係非常推薦，拎上碟，睇到厚度非常厚，起碼係出面打邊爐兩倍，有誠意，口感都好好多，而且油脂分布好好，非常接近入口即溶！！質素非常好！
特價台山桶蠔 $138
桶蠔好大隻，味道唔腥，而且煮完之後都唔會縮細、蠔味十足，必食
手打墨魚麵 $78
呢個都幾有特色！算係一個得別版烏冬，有墨魚味，爽彈2-3倍嘅版本！黎到都建議要一試！
牛肝菌黑松露豬肉丸 半份 $58
肉感有少許彈牙！肉味反而好重，肉同肥嘅比例大概7:3，肉香有咬感仲帶d juicy！黑松露都未食就聞到！同豬肉都幾夾幾好食！
嫩滑鴨紅 $68
鴨血非常大嚿，未煮之前用筷子夾落去唔會一夾就散，煮完之後口感好爽
Post
