Mano (海濱匯)

Open Now

Now Closed

原本今日同朋友約觀塘食晚飯，但同事突然要加班，所以就臨時改到朋友公司附近食。餐廳位於牛頭角的海濱匯，牛頭角港鐵站步行大約十分鐘左右就到。用餐時間係星期日晚上八點半，眼見入座有八成滿，估唔到假日晚上位處於商業區入座率都咁高，所以想食建議早點訂位比較好。葡式香辣燒春雞配薯條²⁴⁸燒春雞外皮烤得金黃香脆，內裡肉汁豐盈，肉質嫩滑而且帶點微辣香味，點一點隨碟的香辣醬汁，食起來非常惹味！除了燒春雞外還附有香脆的炸薯條，份量十足！好味得來又夠抵食！芝士肉醬千層麵¹⁵⁸自家製千層麵，配上香味濃郁的芝士及蕃茄肉醬汁。值得一讚他們的蕃茄肉醬非常入味，酸酸甜甜相當開胃，而肉醬的份量亦很多，啖啖惹味！紅莓汁³⁸紅莓汁酸酸甜甜，相當開胃，是夏日消暑必飲！總結餐廳無論食物質素價錢份量，服務態度，環境評價都好高。係一間好值得推介嘅意大利餐廳。