Video
Read full review
2022-03-13
2175 views
疫情下香港人生活大不如前，不少良心食肆相繼提供餐飲優惠為大家打氣，就連呢間以日本和牛料理為賣點嘅日式居酒屋亦推出抗疫優惠套餐，藉以優質食物，為大家充一充電，一齊共渡難關❤️🏮日式豚肉炒烏冬（$68）豚肉份量多且夠味，日式醬汁又唔會太咸或太濃蓋過豚肉味；烏冬口感亦恰到好處，唔會太腍之餘又帶煙靭感，炒得幾惹味😋🏮麵豉煮牛筋腩（$68）呢款菜式以往只以晚市開胃小菜供應，一向大受歡迎及好評😌居酒屋鮮有將菜式加入套餐中，所以店員亦誠意推介。牛筋腩份量多且炆得好腍，牛味夠濃又保持到肉質鮮嫩；最鐘意係個麵豉汁，味道咸淡適中又惹味，蒟蒻吸收咗醬汁後，亦變得好入味，估唔到個汁配牛筋腩係咁夾，真係超好下飯😍店員果然無介紹錯，超正👍🏻🏮日式章魚燒（+$18）章魚燒熱辣辣，一上枱就聞到好香😌章魚餡料嘅份量或比例適中，食落外焦脆內帶口感，若想要更多醬汁或沙律醬，仲可額外添加，滿足晒章魚燒控😋🏮和牛肉薯餅（+$18）薯餅幾大塊，炸粉唔會太厚，脆卜卜得嚟又唔油膩，口感外脆內綿密；薯蓉及和牛碎搓得均勻，和牛比例唔算好多，但起碼每啖都食到和牛及有牛味😋配埋醬汁同食，好有日本地道風味，唔錯😌抗疫優惠套餐均全日供應，每個套餐
🏮日式豚肉炒烏冬（$68）
豚肉份量多且夠味，日式醬汁又唔會太咸或太濃蓋過豚肉味；烏冬口感亦恰到好處，唔會太腍之餘又帶煙靭感，炒得幾惹味😋
🏮麵豉煮牛筋腩（$68）
呢款菜式以往只以晚市開胃小菜供應，一向大受歡迎及好評😌居酒屋鮮有將菜式加入套餐中，所以店員亦誠意推介。
牛筋腩份量多且炆得好腍，牛味夠濃又保持到肉質鮮嫩；最鐘意係個麵豉汁，味道咸淡適中又惹味，蒟蒻吸收咗醬汁後，亦變得好入味，估唔到個汁配牛筋腩係咁夾，真係超好下飯😍店員果然無介紹錯，超正👍🏻
🏮日式章魚燒（+$18）
章魚燒熱辣辣，一上枱就聞到好香😌章魚餡料嘅份量或比例適中，食落外焦脆內帶口感，若想要更多醬汁或沙律醬，仲可額外添加，滿足晒章魚燒控😋
🏮和牛肉薯餅（+$18）
薯餅幾大塊，炸粉唔會太厚，脆卜卜得嚟又唔油膩，口感外脆內綿密；薯蓉及和牛碎搓得均勻，和牛比例唔算好多，但起碼每啖都食到和牛及有牛味😋配埋醬汁同食，好有日本地道風味，唔錯😌
抗疫優惠套餐均全日供應，每個套餐配有白飯及汔水。雖然價錢好親民，但食物質素仍保持到水準，堂食或外賣均同價，唯獨堂食需加一服務費及飲品選擇較多。除抗疫優惠套餐外，居酒屋仲有另一款套餐供應，外賣自取更有八五折優惠。
Post
