臺坊 (加拿分道) (Closed)

久久都冇踏足過臺灣，但依然掛念臺灣嘅美食，今日在尖沙咀，忙碌中來個午餐，意外地發現呢間臺式小店<臺坊>，原來是如此令人回味。<紅燒牛肉麵 $57>牛肉麵好大碗，眼看已經非常驚喜。牛肉有三大件，每一件都又厚又大件，屬於重量級的牛肋腩肉級數。牛肉入口好有牛味，而且亦炆得夠腍身。除了牛肉，還有一件又滑又軟身嘅牛筋，配菜是大大件厚切的紅蘿蔔和白蘿蔔，吸收曬濃郁牛肉湯底的精華，入口多汁之餘還有牛肉的鮮甜味道，非常好味。牛肉肥瘦均勻，恰到好處。麵量好多，麵質入口微軟得來亦帶煙韌口感。<蒜汁雲耳 $18>雲耳是冷盤小食，有淡淡的蒜香味道及微甜的自家醬油味道。雲耳入口帶爽骨口感，非常開胃。<珍珠奶茶 跟餐加$6>跟餐衹需加$6便可以飲珍珠奶茶，相當抵飲。珍珠量好多，而且珍珠夠彈牙煙韌，雖然茶味不算很濃，但奶味重而滑，都幾好飲，值得一試。餐廳除了供應牛肉麵，仲有好多其它臺式主食和小食，如冷麵、肉燥拌麵、炸豬扒飯、鹽酥雞拌麵和台式蛋餅等。小店地方雖然不大，但供應的食物水準質素高，而且份量多，價格又不貴，屬抵食又好食之選，值得支持呀！！～