金鶴拉麵 (和富道) (Closed)

同朋友係北角買完波鞋，佢介紹呢間北角好出名嘅金鶴拉麵。見天氣凍凍地，一碗熱騰騰且美味的拉麵是很需要的，過左６點所以就一於叫外帶。。金鶴拉麵湯底基本分別有鹽味、醬油、豬骨濃湯、雞白湯 等等...價錢$88-98一碗先點咖哩吉列豬排飯$88，個飯做得幾精緻，汁同豬排飯都係分開放。吉列豬排件件都厚切，吉列豬扒炸粉夠薄，邊位很脆，唔韌，食落去也不是平時油膩個種，日式咖哩香濃唔辣，珍珠米粒粒分明，食完都唔覺好口渴，有蔬菜＆漬做伴碟。金鶴雞白湯拉麵，配料有黑豚、牛蒡同埋溏芯蛋，濃郁雞白湯好少食到，湯底帶有清甜感覺，好出色。。叉燒肥瘦啱啱好幾唔錯，慢煮赤雞美味。拉麵唔會覺得有味精既感覺，加分！麵底軟硬適中。黑蒜醬油拉麵，配料有黑豚、慢煮赤雞，湯底蒜香味濃，鹹度也頗符合香港人口味，黑蒜味有層次，鍾意食味道比較濃郁嘅朋友就值得一試。食物方面就非常有水準，使用新鮮的食材能做出一碗高質而美味的拉麵~ ~ ~非常正！