Milu Thai มิลู่ไทย (百樂中心)

Open Now

Now Closed

今次嚟銅鑼灣想食泰菜，記得上次試過尖沙咀分店唔錯所以就過來試下。地點好方便，時代廣場附近嘅百樂中心。地方闊落舒服，有卡位，適合一大班朋友聚會。鹽燒鰂魚$188用粗鹽包住成條魚燒，出面個皮燒到少少焦但係入面嘅魚肉係出奇地非常非常滑，滑過蒸魚，完全感受到師傅慢火燒嘅功力，超級推薦。濕炒泰式雞肉河$98河粉係煙韌，大塊嗰隻河粉，本身炒河都有好多配料，有蔬菜，有雞肉，都幾泰式風味。火焰燒雞$208招牌菜。店員姐姐會首先畀原隻雞，再係你面前淋酒，點火，畀你打卡。打完卡再攞返入廚房斬件，成件事好有噱頭之餘，隻雞都好好食。雞連雞胸都係滑嘅，雞皮係脆嘅！泰式燒牛柳$98食到嗰啲泰式嘅醃料，牛柳燒到剛剛好，七成熟，唔會過老或者柴。炸蝦餅$88一份6件，出面脆卜卜，正常發揮。凍青檸茶$34叫左杯青檸茶，味道唔錯，泰式風情。