爆汗串串 (Closed)

我同朋友特登book左呢間爆汗串串，為嘅就係呢度成都風味既串燒放題。餐廳內座位唔多，亦都唔少人排隊，好彩預早book定位，一到達立刻就有位坐啦～呢度嘅串燒款式都幾豐富，任食兩小時。除咗串燒之外，仲有粉麵、小食等可供選擇。熱辣辣既串燒上枱啦👏🏻一口一串，可以一嘗唔同款式。湯底辣得黎香口惹味，食物吸收曬辣湯，味道更加昇華，唔洗蘸其他醬汁已經好重口味。我最愛就係土豆，食落好爽口，而且士豆同辣完係絕配。而魷魚都好彈牙，口感幾好。如果唔怕辣，就可以嗌蘿蔔同埋娃娃菜，超級入味。大力推薦呢度既火鍋寬粉，因為串燒已經夠晒火辣，我就選擇咗豬骨湯底。寬粉口感Q彈，又有芫莤香，非常好食。蕃茄牛肉麵嘅湯底都係豬骨湯，但多左番茄同牛肉嘅香氣。配辣厥根粉口感稍硬，酸辣兼備，辣得黎又幾開胃，但食完真係爆曬汗。加錢可以食埋口水雞，不過雞肉唔算滑嫩，但醬汁香辣惹味。最後食返個冰粉做甜品。