Video
Read full review
2023-12-06
22 views
深水埗出名多平價小食，無諗到連山珍海錯都可以用平民價就食到。最近福榮街開咗一間大撈家，可以平平哋就食到山珍海錯啦。 招牌咕嚕肉飯：一心諗住入去食鮑參翅肚，真係無諗過叫呢個飯，不過見到差不多檯檯都點，咁梗係試下啦。嘩！的確好有驚喜，無諗過小店都可以食到咁高質嘅咕嚕肉，咕嚕肉外脆內軟，咬落有鬆化嘅感覺。味道酸甜適中，食完感覺好開胃，送飯真係一流！🤤 11月仲有限時優惠，加$98追加紅燒鮑翅，個湯底好鮮甜，用個爐仔烘住，食落熱辣辣。 惠顧套餐，加$48可以升級為黑蒜鮑魚燉湯，呢個湯用料十足，用黑蒜細火慢燉，湯鮮味美，加上鮑魚，山珍海味融合，鮮甜滋補。 另加$38追加鮑汁拼盤，有雞翼、豬腸、牛肚、雞腳，非常入味，炆得又夠稔。 大排檔必點嘅脆炸大腸，估唔到呢度都有得食。炸大腸外脆內軟，油脂唔算太多，而且無餲味。 撈家特飲：呢度連近期深圳茶飲店勁hit嘅鴨屎香檸檬茶都有，當然要試下啦，鴨屎香檸檬茶以鴨屎香茶葉為茶底，味道清甜甘爽、香芳濃郁，滋味醇厚。 仲有個檸檬嘅鎖匙扣附送添！🍋
深水埗出名多平價小食，無諗到連山珍海錯都可以用平民價就食到。最近福榮街開咗一間大撈家，可以平平哋就食到山珍海錯啦。
招牌咕嚕肉飯：一心諗住入去食鮑參翅肚，真係無諗過叫呢個飯，不過見到差不多檯檯都點，咁梗係試下啦。嘩！的確好有驚喜，無諗過小店都可以食到咁高質嘅咕嚕肉，咕嚕肉外脆內軟，咬落有鬆化嘅感覺。味道酸甜適中，食完感覺好開胃，送飯真係一流！🤤
11月仲有限時優惠，加$98追加紅燒鮑翅，個湯底好鮮甜，用個爐仔烘住，食落熱辣辣。
惠顧套餐，加$48可以升級為黑蒜鮑魚燉湯，呢個湯用料十足，用黑蒜細火慢燉，湯鮮味美，加上鮑魚，山珍海味融合，鮮甜滋補。
另加$38追加鮑汁拼盤，有雞翼、豬腸、牛肚、雞腳，非常入味，炆得又夠稔。
大排檔必點嘅脆炸大腸，估唔到呢度都有得食。炸大腸外脆內軟，油脂唔算太多，而且無餲味。
撈家特飲：呢度連近期深圳茶飲店勁hit嘅鴨屎香檸檬茶都有，當然要試下啦，鴨屎香檸檬茶以鴨屎香茶葉為茶底，味道清甜甘爽、香芳濃郁，滋味醇厚。 仲有個檸檬嘅鎖匙扣附送添！🍋
Post
