叙苑粉麵茶餐廳

Open Now

Now Closed

小秘書今朝晨咁早就要返公司開會，唔整個大早餐落肚點頂去中午😝 咁啱見「叙苑」又開咗，正夾到我嘅時間。幫襯咗呢間茶餐廳前後起碼有十年，搞笑啲講句，就算唔記得帶錢都可以爭住老闆先，街坊生意就係靠個信字啦！ 幫襯「叙苑」咁多年，唔係因為佢啲嘢勁好食，主要原因係佢夠就腳，食飽飽就可以搭小巴落港鐵站🚊 小秘書今日就叫咗個「牛肉米」、「餐肉，太陽蛋、多士」、配「茶走」😏 係咪聽起嚟已經夠豐富呢？成個早餐，我主力係為咗杯「茶走」，香濃又夠滑，反而啲牛肉就淋得滯，似落咗好多鬆肉粉🤨 不過呢度勝在易話為，餐牌上有嘅嘢大家都可以任意點配，最啱我呢個心多多嘅小秘書👀