Video
Read full review
2010-12-29
33 views
計埋今日...我前後黎過3次阿牛哥第一次係新開張既時候可能真係剛開張, d 人比較熱誠d...記得第一次我叫咖喱牛腩飯小辣既時候..佢問我食唔食得辣..因為佢地既辣真係好辣如果食唔慣辣既 建議我叫個微辣試下先咁我最尾都係叫左小辣~因為我覺得我食得到第一次食既時候 種辣味真係唔錯!! 不過算係幾辣...當時我覺得幾好食...咁之後~隔左一個禮拜同個朋友黎食晚飯因為朋友唔太食辣...叫左個微辣佢話d 咖喱牛腩淡到水咁..好難食我食落又覺得係偏淡...但未致於淡到水咁...事隔一年幾...今日我lunch黎左阿牛哥見到出面塊牌寫住 咖喱牛腩飯 30蚊...咁我咪入去再試...入到去..都幾多人..得返 2張台冇人坐我行入去...有3個waitress...但係冇人理我我就揀左張角落既位置自己坐低..之後見到 d waitress 完全係無視人既態度我自己拎起餐牌睇完就諗住落單...之後我叫個waitress落單佢唔知有心定無意 聽唔到..於是我又等到佢 企係度冇野做 先再叫佢...佢過黎寫單~我問...咖喱牛腩飯係咪30蚊?佢好疑惑咁拎起我張餐牌睇...：um...好似唔係wor!我就話：
第一次係新開張既時候
可能真係剛開張, d 人比較熱誠d...
記得第一次我叫咖喱牛腩飯小辣既時候..
佢問我食唔食得辣..因為佢地既辣真係好辣
如果食唔慣辣既 建議我叫個微辣試下先
咁我最尾都係叫左小辣~因為我覺得我食得到
第一次食既時候 種辣味真係唔錯!! 不過算係幾辣...
當時我覺得幾好食...
咁之後~隔左一個禮拜同個朋友黎食晚飯
因為朋友唔太食辣...叫左個微辣
佢話d 咖喱牛腩淡到水咁..好難食
我食落又覺得係偏淡...但未致於淡到水咁...
事隔一年幾...
今日我lunch黎左阿牛哥
見到出面塊牌寫住 咖喱牛腩飯 30蚊...咁我咪入去再試...
入到去..都幾多人..得返 2張台冇人坐
我行入去...有3個waitress...但係冇人理我
我就揀左張角落既位置自己坐低..
之後見到 d waitress 完全係無視人既態度
我自己拎起餐牌睇完就諗住落單...
之後我叫個waitress落單
佢唔知有心定無意 聽唔到..
於是我又等到佢 企係度冇野做 先再叫佢...
佢過黎寫單~
我問...咖喱牛腩飯係咪30蚊?
佢好疑惑咁拎起我張餐牌睇...：um...好似唔係wor!
我就話： 咦~咁點解出面張餐牌寫 30蚊既?!
跟住佢答唔到...收銀姐姐就問我有冇學生證~話可以俾張學生牌我睇
咁最後我都係30蚊揀左個 咖喱牛腩飯
上台既時候...
一碗小辣咖喱牛腩+一碟(學生價30蚊, 原價好似39)
我覺得呢個態度係好既..
將飯同送分開上...感覺 冇咁求其...亦都比較仔細
個咖喱牛腩有4-5舊牛腩..感覺超級鬆軟...我唔知係咪落鬆肉粉整過呢?同外面硬身既牛腩唔同..好軟身~
不過食落 幾林..而且有少少韌...
d 咖喱汁我覺得做得幾有心思... 我諗係將d 馬鈴薯切粒，混埋d 牛腩絲一齊煲...
然後d 牛腩同馬鈴薯就大大粒...令人感覺 馬鈴薯唔係煲到爛哂..但係咖喱汁入面又有馬鈴薯粒同牛腩
咁樣食到最後..就算冇哂牛腩..都可以用 汁黎送食...我覺得幾好!幾有心思
D咖喱汁入面係睇唔到有辣椒的~但食落去除左咖喱粉煮出黎既酸辣味之外...仲有少少辛辣既味道...我自己估...有可能有落辣椒,,,可能好似 煲粉葛鯪魚湯咁..將d 辣椒放落 魚袋度煲~免得d 辣椒係汁入面...客人會咬到d 辣椒子
頭幾啖食落去我覺得幾好...今次辣味幾足! 食落都有d 辛辣...*但酸辣比較重)
但係當食左一半..就越食越覺得 d 汁好酸...
有陣酸味出黎~...越食就有種越唔想食既感覺
整體黎講~ 都唔算係好好味既咖喱牛腩..但係 30蚊黎講~我覺得都唔算好差
雖然係食物質素方面~見到間店既用心... 而且唔似普通茶餐廳..將d 汁淋落飯度就俾客
分開上飯送..都係一種仔細既服務黎~
第一，不過d服務態度真係衰到冇得衰~有極大既改善空間
十一點半入去..人流都還可以..未至於係繁忙時間,得2-3個waitress做野唔緊要..
最緊要係 應該留意下邊d人 係岩岩黎~邊d人係岩岩走...
講聲： 歡迎光臨又好.. 多謝惠顧都好... 呢d 係基本既禮貌
入去都唔招呼我坐邊都唔緊要... 我都接受到...
但係我叫左幾次落單都唔多理...
waitress 們 成日望住個 廚房方向...感覺俾人好似執緊野咁
但係其實又冇野做
變相 令人感覺 唔想做野多過真係忙緊
咁既服務應度真係要俾個 交叉
而且又唔留意邊d 客岩岩到~至少可以望下幾時可以幫手落單..
而唔係 低住頭 扮睇唔到就可以過骨~
第二，d waitress 睇落都係上左年紀既...所以服務得唔殷勤都算
畢竟大家都出黎搵過食..雞碎咁多人工~ 點俾足感情去做野
但係 普通既招呼 同 熟悉自己餐廳既 牌價 係基本有既條件黎
普通招呼都冇..唔係人工反映..係個人修養既問題...
而問到牌價既時候..竟然要左諗右諗..又要答唔出~
就算新人都好啦..搵人幫一幫你..
好過你企係度慢慢望...
好似你揀野食多過我揀野食-__________-
第三，呢度 d waitress 既服務態度全部都係 "被動式服務"黎...
似乎要求顧客自己落單咁...好似大家樂大快活麥當勞果d 咁..有個 買餐處咁
但呢度既格局又係 茶餐廳式...
o係 講究"被動式服務"既同時..最主要都係靠"主動式服務"
即係..除左 客人可以提出要求....提供被動式服務外
... waitress們都應該有主動提供服務..睇下邊度需要落單或者查詢..
第四， d waitress 成日都好似好得閒咁..突然間係廚房又走左兩三個出黎
然後企左係 廚房門口度 傾計...
我都明白 返工傾下計係需要..
但係 至少要將 本份做好先傾...
落單又唔見咁積極~ 傾計就有講有笑咁..
呢種態度就認真麻麻
其實我覺得 工作態度既問題→係因為工資反映出黎→而佢地呢種表現又影響盈利
係黎緊實施最低工資既同時..
係我地要求僱主付出更多既同時..
僱員都應該表現到相對既服務態度出黎
而僱主與其學某大型連鎖集團咁扣飯鐘,或者加價轉嫁消費者等等招數...
不如將d 錢當做 提升服務質素..提升商店既形象
見好多食評 雖然插d野食幾差外..
最嚴重既致命傷係服務態度方面
其實好多事都可以由仔細開始做好..
正如 將 飯同送分開上..呢一點一樣~ 都可以慢慢表現出對顧客友善既態度
我唔知道有位食家講果個為左2蚊懶改單既人係咪老細
但如果有心想做好間舖..
起碼門面功夫要做好d
歡迎光臨 唔講都好
講你好亦都可以...
唔講你好.. 至少都應該 帶位..安排d 客人坐低 同寫單
介唔介紹野食都好..
而且~~好主要就係工作既安排要分明
個 埋單處 長期都冇人企係度...
拎餐既waitress 有時又去 執下d 櫃呀~ 雪櫃呀~又要接觸d 錢
根本極度唔衛生~而且好冇效率
諗住叫呢個落單既時候..佢又好似執緊野咁~
想叫 埋單處 果個埋處既時候..佢又走左去落單
完全唔知想點
最後食物方面...我覺得 d 咖喱味 可以再調較一下
我唔知係d 牛腩擺太耐定係酸辣粉作怪...
感覺種酸味越食越強烈..
雖然少少酸味可以醒神開胃..
但太酸反而令人作嘔
我記得當初食既時候 既味道係好好的
但依家食 種酸味越漸強烈...
希望味道方面可以好好調較一下...
岩岩見到呢間店既 分數得1.9 真係幾震驚
但係諗深一層...又覺得 整體既態度真係好一般
希望呢間店可以好好改善...
我期待阿牛哥有更加好既表現..=]
加油!
Post