大榮華圍村菜 (Closed)

呢間店嘅點心好多都係即叫即整，今次就叫左六樣點心。1. 豉油皇炒腸粉好大碟的，食落感覺味道偏單一，只有咸味，如果可以加啲甜味吊下味就正喇。2. 叉燒腸粉皮厚，叉燒味道ok。3. 薄撐太厚了，味道亦偏啖。4. 糯米包塊皮有啲皂水味，一般般。不過，入面啲糯米加埋啲蠟腸幾好味。食一個都夠哂飽。5. 麻蓉包 🥰超級好味！麻蓉咸料味道配搭得岩岩好，係咁多樣點心入面最好味嘅。6. 切肉燒賣大大粒，啖啖肉，而且熱辣辣，不錯。走嘅時候仲見到韜哥😂，真係有緣。