Video
Read full review
2024-04-06
70 views
週末同女朋友銅鑼灣行街，見肚餓天氣熱又唔想食飯，咁啱見到呢間餃子專門店，之前已經聽人講過一路都想試，見下午茶時段唔使排隊就入去試一試入去就見到天下第一餃五隻字，咁有信心？環境都幾舒服，一坐低侍應好有禮貌就遞上一味前菜，醃蘿蔔見佢呢度主打係松茸餃子，於是叫佢招牌嘅兩款餃子，有湯或者煎可以揀，同女朋友兩款都選擇咗煎唔係講笑，好正！每隻餃子都好足料，豬肉同松茸塞到爆曬，大滿足。想啖啖肉嘅可以叫至尊松茸豬肉餃，希望有埋松露嘅香味嘅話可以叫龍鳳松茸豬肉餃，同女朋友兩個人食咗24隻叫咗個大嘅size, 冇諗過咁足料飽到上心口。如果覺得啖啖肉太過膩，可以加埋佢前菜醃蘿蔔食，味道好夾，互相平衡個油膩感。既然有天下第一餃之稱，點可以唔試埋佢其他餃子，於是另外叫咗一個細份嘅雲耳椰菜豬肉餃，今次就試吓湯餃。呢個真係好有驚喜，你話招牌餃做得好食就理所當然，冇諗過普普通通叫個豬肉餃都超級正，我覺得直頭同佢招牌嘅松茸餃有得比，個人嚟講好鍾意，而且價錢上亦相對抵食，即使唔係佢嘅招牌亦都好足料，雲耳夾雜着豬肉好爽口。除咗餃子仲叫咗一份四川涼麵，以一間餃子舖頭嚟講絕對唔失禮嘢飲叫咗蜂蜜檸檬薏米水同埋山楂雪梨水，天口㷫消
入去就見到天下第一餃五隻字，咁有信心？
環境都幾舒服，一坐低侍應好有禮貌就遞上一味前菜，醃蘿蔔
見佢呢度主打係松茸餃子，於是叫佢招牌嘅兩款餃子，有湯或者煎可以揀，同女朋友兩款都選擇咗煎
至尊松茸豬肉餃
10 views
0 likes
0 comments
龍鳳松茸豬肉餃
12 views
0 likes
0 comments
啖啖肉好足料
6 views
0 likes
0 comments
唔係講笑，好正！
每隻餃子都好足料，豬肉同松茸塞到爆曬，大滿足。
想啖啖肉嘅可以叫至尊松茸豬肉餃，希望有埋松露嘅香味嘅話可以叫龍鳳松茸豬肉餃，同女朋友兩個人食咗24隻叫咗個大嘅size, 冇諗過咁足料飽到上心口。
如果覺得啖啖肉太過膩，可以加埋佢前菜醃蘿蔔食，味道好夾，互相平衡個油膩感。
雲耳椰菜豬肉餃
12 views
0 likes
0 comments
既然有天下第一餃之稱，點可以唔試埋佢其他餃子，於是另外叫咗一個細份嘅雲耳椰菜豬肉餃，今次就試吓湯餃。
呢個真係好有驚喜，你話招牌餃做得好食就理所當然，冇諗過普普通通叫個豬肉餃都超級正，我覺得直頭同佢招牌嘅松茸餃有得比，個人嚟講好鍾意，而且價錢上亦相對抵食，即使唔係佢嘅招牌亦都好足料，雲耳夾雜着豬肉好爽口。
四川涼麵
9 views
0 likes
0 comments
除咗餃子仲叫咗一份四川涼麵，以一間餃子舖頭嚟講絕對唔失禮
蜂蜜檸檬薏米水&自製山楂雪梨水
10 views
0 likes
0 comments
嘢飲叫咗蜂蜜檸檬薏米水同埋山楂雪梨水，天口㷫消暑解熱，又可以平衡油膩感。
食吓叫吓呢餐lunch用咗$400, 有松茸嘅餃子嚟講其實又唔算話好貴，而且重點係好食得嚟仲好飽，喺唔想食粉麵飯嘅情況下，係一個幾好嘅選擇。
Post
