Video
Read full review
2021-07-17
66 views
7月完全冇假期，為左要好好獎勵自己，就去咗食Omakase。次次去食Omakase都會覺得戰戰兢兢，因為連自己準備食咩都唔知，所以餐廳嘅質素就分外重要。今日去呢間鮨逸，食材係由日本買手新鮮運到，亦會因應最當造嘅食材不定期更新餐單，所以就選擇係度叫一個有25道菜嘅set。為咗配合美食，特別叫咗支天之户純米大吟釀，屬於龜之尾種，而且係夏天特別版，飲落去味道較輕爽，有一陣淡淡嘅甜味。作為開場嘅係北海道白肉粟米，食落清甜。水母刺身，配合柚子醬油，酸酸地得嚟爽口，仲有海帶帶出唔同層次嘅口感，非常開胃。再嚟係用海膽打成嘅海膽豆腐，上面係馬糞海膽同德國黑魚子醬，食落有陣陣鹹香味同濃鬱海膽味，適合用嚟送酒。千草縣真鯛魚同昆布，配上柚子醬同裝飾用嘅食用紫蘇花，昆布醃左一晚非常入味，魚身食落柔軟帶少少酸。磯邊燒帶子，加咗少少七味粉， 用紫菜包起手食，新鮮得嚟有焦香味。北海道活水八爪魚，上面放咗酸酸甜甜嘅土佐醋啫喱 ，中間係八爪魚嘅吸盤，咬落好爽口，側邊八爪魚身則煙煙韌韌。千草縣嘅炸真鯛白子，口感有小小似豆腐，再食鮮味好重，反而有啲似蠔，而且少少鹹，適合送酒。油甘魚魚腩，只係熟成咗3日，所以仲係好滑，加咗柚
次次去食Omakase都會覺得戰戰兢兢，因為連自己準備食咩都唔知，所以餐廳嘅質素就分外重要。今日去呢間鮨逸，食材係由日本買手新鮮運到，亦會因應最當造嘅食材不定期更新餐單，所以就選擇係度叫一個有25道菜嘅set。
天之户純米大吟釀
7 views
0 likes
0 comments
為咗配合美食，特別叫咗支天之户純米大吟釀，屬於龜之尾種，而且係夏天特別版，飲落去味道較輕爽，有一陣淡淡嘅甜味。
作為開場嘅係北海道白肉粟米，食落清甜。
水母刺身，配合柚子醬油，酸酸地得嚟爽口，仲有海帶帶出唔同層次嘅口感，非常開胃。
再嚟係用海膽打成嘅海膽豆腐，上面係馬糞海膽同德國黑魚子醬，食落有陣陣鹹香味同濃鬱海膽味，適合用嚟送酒。
千草縣真鯛魚同昆布，配上柚子醬同裝飾用嘅食用紫蘇花，昆布醃左一晚非常入味，魚身食落柔軟帶少少酸。
磯邊燒帶子，加咗少少七味粉， 用紫菜包起手食，新鮮得嚟有焦香味。
北海道活水八爪魚
6 views
0 likes
0 comments
北海道活水八爪魚，上面放咗酸酸甜甜嘅土佐醋啫喱 ，中間係八爪魚嘅吸盤，咬落好爽口，側邊八爪魚身則煙煙韌韌。
千草縣嘅炸真鯛白子，口感有小小似豆腐，再食鮮味好重，反而有啲似蠔，而且少少鹹，適合送酒。
油甘魚魚腩，只係熟成咗3日，所以仲係好滑，加咗柚子胡椒，少少酸而辛口，油甘魚油脂感重，入口即溶。
活北寄貝壽司，少少爽口，已加wasabi、醬油、青檸調味。
金目鯛壽司，肉身厚而肥美，輕輕燒過魚皮，帶出魚嘅香味。
壽司之後轉食湯葉刺身（新鮮腐皮）配三文魚子醬， 第一次試，豆味好重帶少少甘甜。
愛知縣白見貝象拔蚌，食落厚肉爽口，而且非常鮮甜。
北海道牡丹蝦刺身
23 views
0 likes
0 comments
北海道牡丹蝦刺身，上面放咗蝦籽同蝦膏，蝦籽鮮味、蝦膏鹹香味、蝦肉甜味互相完美配合。
日本米崎生蠔
11 views
0 likes
0 comments
日本米崎生蠔，淨係size已經不得了，有半隻手掌咁大，成隻生蠔脹卜卜，鮮甜多汁得嚟帶有海水味。
太刀魚，上面擺咗少少炸蒜，以豉油煮嘅魚軟身入味。
沖繩花竹蝦（青海老），原來係隔離魚缸新鮮撈起，只係一成熟，保持鮮味之餘啱啱好帶出蝦味。
北海道喜知次，屬於最貴價魚之一，食落去軟熟甜美。
岩手縣原隻紫海膽
1 views
0 likes
0 comments
岩手縣原隻紫海膽，上面放咗三文魚子釣味，再用咗醬油醃製，海膽又滑又鮮甜。
北海道粒背響螺，非常清爽有咬口。
磯煮鮑魚，上面搽咗貝蟹膏，鮑魚慢煮咗4小時，好稔身易咬，蟹膏蟹味亦好濃。
然後就係福岡甘鯛松笠燒，魚鱗燒至脆身，食落上脆下稔，魚嘅油份重，肉質結實。
之後轉食吞拿魚，拖羅壽司上面擺咗少少日本大蔥，好香蔥味，咬落去啖啖甘甜脂肪，入口即溶。
吞拿魚醬油漬，魚肉肥美厚身，醬油味重，感覺有少少似黑毛豬火腿。
北海道白海膽， 海膽入面屬最高級別，比馬糞海膽清甜， 配合炸海帶中和口感。
來到晚餐嘅尾聲，有玉子布甸，蛋味濃厚，好似真布甸有上下層口感，又滑又甜。
最後係舞茸菇真鯛清湯，飲落去清清地咁，但係有淡淡魚肉嘅鮮甜味 。
甜品餐廳就安排咗水玄餅，配合黑糖食，清一清個口。
Post
