Video
Read full review
2018-07-17
271 views
近排番工實在太攰，所以決定要weekend去輕鬆下！一直都知道大滿喜多人推薦，而且地點又就腳，近地鐵站，所以就走去試下！大滿喜嘅setting同一般放題差唔多，間鋪頭可以容納到好多人，只係位同位之間相隔好少，但畢竟係去食野，我對呢點又無咩所謂～其實依家嘅放題，已經唔會淨係提供簡單嘅刺身壽司，而係會有好多其他小食、甜品比客人選擇，如果唔係又點突圍而出呢？例如呢到嘅雪糕選擇幾多元化，有常見嘅雪糕牌子，例如雀巢，而佢都有一啲前菜提供，如果嗌嘅野食未到，都可以食住少少醫肚刺身拼盤去食放題，刺身係必定啦估唔到佢都幾多刺身選擇，除咗有常見嘅三文魚之外，佢竟然仲有油甘魚、劍魚腩、象拔蚌、馬刀貝等，我地每樣都叫咗少少，而且我地都覺得佢勁生鮮，又厚切，食完第一次都忍唔住即刻encore!鐵板蒜香一口牛佢地上野食都算快，大概過咗5分鐘，野食就好快有。另一樣好鍾意嘅就係鐵板蒜香一口牛。當初見佢話皇牌就打算試下，食完都覺得好值得試！細細舊，肉質唔會老，有少少入口即溶嘅感覺。唯一可以挑剔就係細碟，但放題可以任食就唔驚啦！芝麻雞翼必試！其實好耐之前就聽人講過呢度嘅芝麻雞翼幾有水準，食完果然無失望！食入口係熱辣辣，
一直都知道大滿喜多人推薦，而且地點又就腳，近地鐵站，所以就走去試下！
大滿喜嘅setting同一般放題差唔多，間鋪頭可以容納到好多人，只係位同位之間相隔好少，但畢竟係去食野，我對呢點又無咩所謂～
其實依家嘅放題，已經唔會淨係提供簡單嘅刺身壽司，而係會有好多其他小食、甜品比客人選擇，如果唔係又點突圍而出呢？
例如呢到嘅雪糕選擇幾多元化，有常見嘅雪糕牌子，例如雀巢，而佢都有一啲前菜提供，如果嗌嘅野食未到，都可以食住少少醫肚
刺身拼盤去食放題，刺身係必定啦
估唔到佢都幾多刺身選擇，除咗有常見嘅三文魚之外，佢竟然仲有油甘魚、劍魚腩、象拔蚌、馬刀貝等，我地每樣都叫咗少少，而且我地都覺得佢勁生鮮，又厚切，食完第一次都忍唔住即刻encore!
鐵板蒜香一口牛
32 views
0 likes
0 comments
佢地上野食都算快，大概過咗5分鐘，野食就好快有。另一樣好鍾意嘅就係鐵板蒜香一口牛。當初見佢話皇牌就打算試下，食完都覺得好值得試！細細舊，肉質唔會老，有少少入口即溶嘅感覺。唯一可以挑剔就係細碟，但放題可以任食就唔驚啦！
芝麻雞翼
15 views
0 likes
0 comments
必試！其實好耐之前就聽人講過呢度嘅芝麻雞翼幾有水準，食完果然無失望！食入口係熱辣辣，真係即叫即整，成隻雞翼都整得啱啱好，又勁香口！如果唔係怕熱氣，我應該食到好多隻😂😂
鹽燒牛舌
12 views
0 likes
0 comments
因為有落香料嘅關係，真係好惹味！last order都忍唔住再叫多兩串！
清酒煮大蜆
19 views
0 likes
0 comments
見到係十分有驚喜！估唔到食放題都有咁大隻蜆，配有淡淡酒香，好食
瑤柱海鮮粥
20 views
0 likes
0 comments
因為佢地每樣都係細細碟，所以唔怕飽可以叫多啲不同種類嘅野。呢個海鮮粥入面有蟹呢類材料，食落都幾鮮甜，而且食咗咁多鹹嘅野，粥可以中和下
食完正餐就當然要食甜品佢地都有薑汁撞奶、朱古力撻呢類選擇，而且都係細細件，可以食多啲！
總括嚟講，大滿喜野食方面一定唔會令你失望，選擇真係太多啦，質素又唔錯～
即使有兩個鐘時限，但你一定會食到好飽又滿足
Post
