大滿屋日本料理 (Closed)

朋友知我成日食放題，今次介紹咗呢間大滿屋，依家仲做緊優惠，第二位半價。見咁抵就去試試啦食物種類好多，但都不外乎平時放題有嘅食物。飲品方面，有果汁先生新出嘅楊枝甘露（不過比人拎晒，無的試 ）同蜜瓜椰汁露～不過我最後揀咗韓國蜜瓜奶同啤酒先叫刺身，擺設幾靚，肉質望落都幾新鮮。今次個三文魚有腩邊位，個人唔係太鍾意，但肉質尚可平均刺身唔算好厚，但都有口感同覺得夠新鮮黑鳥貝好少地方有得食，呢到有得食就梗係要叫下！好爽口甜蝦都ok，無腥味叫嘅件數合理，廚房都出得岩數，無話會比漏。花之戀係我放題必叫，呢個花之戀嘅三文魚比刺身好食。蟹籽夠多，細細件，唔怕好快飽會食唔落其他野～吉列炸蠔，炸粉有啲厚，蠔仔比較細隻，但味道唔錯無得食雞軟骨，唯有試下雞腎～好爽口，韌韌地咁，有啲鹽，調味剛好，又唔會燒得燶。最後食咗個蟹粥，因為平時食放題次次都食到好飽，食唔到熟食。粥底都有啲綿，有個蟹箝仔，好有蟹味～不過個粥應該有落，食唔慣嘅我食食下都覺得可以接受