Video
Read full review
2024-06-07
89 views
聽日嚟到將軍澳海邊呢一間Chillilime, 行過嚟嗰陣已經覺得風景好靚，入到嚟都覺得啲位坐得好闊好舒服，叫得多嘢啲都唔驚張張枱擺唔晒!我哋叫咗個二人餐，呢個二人餐真係好抵，$348就有三樣餸，我哋仲加咗$58要個芒果糯米飯，然後一人再加多$38要杯Mocktail! 另外仲叫多咗個Chicken Tikka! 700$ 都唔駛就食到好飽好飽好滿足！二人餐入邊，我哋揀咗Butter Chicken配薄餅,生菜包，同埋沙嗲串燒，佢嘅沙嗲串燒係豬同埋雞，先講佢個butter chicken,佢係免費跟薄餅或者飯，我哋就一定係揀咗薄餅，因為真係好夾呢個醬嚟食！雞既份量超多！同埋都幾大件，食極都仲有！個烤餅仲可以揀蒜蓉，普通，或者芝士，我哋揀咗蒜蓉！超香蒜蓉味！仲有三大塊添！跟住就係去過沙嗲串燒，埋去個沙嗲汁食真係一流，啲肉唔會好韌，好易咬，仲有好香肉味！生菜包夠晒惹味，辣辣地食到我哋有啲流汗，但真係好好食！生菜好新鮮!肉碎份量好多！跟住就係佢個chicken tikka, 啲雞肉烤到好香好多汁，一啲都唔乾唔柴！跟住就係Mocktail,賣相勁靚，飲落都唔甜，啱晒配埋啲美食慢慢嘆！最後食埋芒
聽日嚟到將軍澳海邊呢一間Chillilime, 行過嚟嗰陣已經覺得風景好靚，入到嚟都覺得啲位坐得好闊好舒服，叫得多嘢啲都唔驚張張枱擺唔晒!
我哋叫咗個二人餐，呢個二人餐真係好抵，$348就有三樣餸，我哋仲加咗$58要個芒果糯米飯，然後一人再加多$38要杯Mocktail! 另外仲叫多咗個Chicken Tikka! 700$ 都唔駛就食到好飽好飽好滿足！
二人餐入邊，我哋揀咗Butter Chicken配薄餅,生菜包，同埋沙嗲串燒，佢嘅沙嗲串燒係豬同埋雞，先講佢個butter chicken,佢係免費跟薄餅或者飯，我哋就一定係揀咗薄餅，因為真係好夾呢個醬嚟食！雞既份量超多！同埋都幾大件，食極都仲有！個烤餅仲可以揀蒜蓉，普通，或者芝士，我哋揀咗蒜蓉！超香蒜蓉味！仲有三大塊添！跟住就係去過沙嗲串燒，埋去個沙嗲汁食真係一流，啲肉唔會好韌，好易咬，仲有好香肉味！生菜包夠晒惹味，辣辣地食到我哋有啲流汗，但真係好好食！生菜好新鮮!肉碎份量好多！跟住就係佢個chicken tikka, 啲雞肉烤到好香好多汁，一啲都唔乾唔柴！
跟住就係Mocktail,賣相勁靚，飲落都唔甜，啱晒配埋啲美食慢慢嘆！最後食埋芒果糯米飯，切得超有心機，啲芒果薄切砌咗個心形！勁滿足！
Post
