御前大江戶日式料理 (Closed)

同d同事辛苦左兩個星期，真係要好好慰勞下自己，一係唔食，一係就食好d，呢間係平時既食好西to eat list 裏面，終於有得食！呢度好多款刺身丼set，最後我反而係揀左自選爆丼，即係好似車仔麵咁自己揀刺身，連飯底都係自己揀，我就揀左最普通既酢飯、三文魚，北海道帶子、海膽。個丼黎到，真係有爆既感覺，勁多刺身，好新鮮，三文魚係腩位，肥美！帶子鮮甜，特別要講一講個海膽，曾經係第二度食過苦既，呢度食係甜既，份量唔算少，仲要有埋紫菜伴住食，好正！同事食呢個都好誇張，勁大條鰻魚，呃like 首選，雖然好食，但同事食到投晒降，太多了。