神燈燒 (Closed)

好耐無食過燒肉，去食放題唔洗就住就住，可以盡情咁order😂，叫咗level 4嘅套餐，有成186款美食🤩，由於太多選擇嘅關係，我都係精選牛肉同海鮮款式黎試～🥩牛肉方面，美國prime系列都好不錯，絕對係encore之選，牛味香濃，油花豐腴，厚薄適中，只需燒一燒到淡粉紅色就食得～除咗牛肉，仲有豚肉、雞肉同海鮮，燒帆立貝絕對係我嘅encore之選，帆立貝肉大大粒之餘調味仲好足夠😋；鰻魚厚切肥美，鰻魚醬汁仲好惹味添；如果想食得冇咁肥嘅話，仲可以選擇刺身，師傅全部刺身都切得厚厚的，食落好有口感又好有滿足感🥰，三文魚仲要係腩位添！大部分菜式都係用QRcode落單，亦有多款肉類喺出面自助的(不過食lv4唔需要出去拎其他🤫)，自助區亦有沙律吧、各款飲品 和 雪糕等甜品選擇。